Luku 6:14 - Ata New Testament

¹⁴ La tamitema 12 ane musoso­vosi'a ne ualaualasi'a aloxo 'o. Saimoni ane Iesua mulemolu lexe Pita. Xe Pita vimou Anitilu. Xe Tiemisi mo Tioni mo Pilipi mo Patolomiu.

Luku 6:14 Referans Kwoze

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Matiu 4:21

Xe Iesua mumuamua'i musuku sevilela la mumaisi'a tamitema tamei oli'a mami'a ixolu. Vile ualasou lexe Tiemisi xe vimou ualasou lexe Tioni. Ane'i oli'a mami'a Sepeti a mixolu no poutii'a tatila so i'isalilinoxu uvenixa'a. Iesua mumaisi'a la mu'avali'a ilou.

Matiu 4:18

La voxo vile Iesua mumua­mua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

Ta'aposeli 12:2

Mo anu muvi­kala laso tamitemaou mivau Tiemisi e Tioni vimou musoli. Ane'i mivau no anu laviso so oto.

Tioni 14:8

La Pilipi muvikalanu lexe, “Tata­nanexi, nalosoiexixu Maminge, xo aloxone la anu umomomo noxixe ane, tamasaxau mi vilela uasi.”

Tioni 6:8

Ioxe, tisaipeliou vile ualasou lexe Anitilu e Saimoni Pita vimou, mune'enu molomolo vile noxou Iesua la muvikala lexe,

Tioni 6:5

Iesua oli'a tati­saipeliou mixolu no la'olu xe anu musaxi loxo 'o la mumaisi'a tamitema latala e latala a ine'e noxou. Sila mutali'isou Pilipi lexe “Nenge talotonu xa'a tamitema ano'o la'ilali so i'ou a ne'ei?”

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”

Luku 5:10

Ane'i Saimoni tavaita­miou tamei Tiemisi ilou Tioni e Sepeti ta'olu la mikuluke kalumo. La Iesua muvikalanu Saimoni lexe, “Na'ume uasi, xo vaimomo 'o ngataxusi'a tasinana ia ili'i la xaixai noxinge so ngataxusi'a tamitema.”

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

Maki 14:33

La anu muno'a Pita xe Tiemisi xe Tioni so oli'a milai va'axu sevile. La muxamulinu oponu mu'avuti lexe tu'umaxu mukasou.

Maki 9:2

Ioxe, voxo 6 mulai mukalu laso Iesua mu'avali'a Pita xe Tiemisi xe Tioni so imulinu. Mimulinu la mitelai no la'olu vile teitexi mo ane'isisi mixoxolu ne. Mixoxolu mixoxolu sila misaxisou Iesua vasimolu muxiu muxali iou vilemo.

Maki 5:37

La tamitema latala e mimulimulinu ne mu'apixa'a, lexe ixolu. Ia Pita xe Tiemisi xe Tioni e Tiemisi vimou ane'i tata­lusi muvikalane'i lexe imulinu.

Maki 1:29

Ioxe, anu oli'a milala no tasou lavuloto la milai avile no tasi'a Saimoni ilou Anitilu. Milai la oli'a Tiemisi xe Tioni.

Maki 1:19

Xe Iesua mumuamua'i mulai sevilela, la muxalisi'a Tiemisi ilou vimou Tioni e Sepeti ta'olu a i'isalilinoxu uvenixa'a.

Matiu 10:3

Mo Pilipi xe Patolomiu xe Tomasi xe Matiu e itema so utaxusou taxisi xe Tiemisi e Alipiusi olu xe Tatiusi.

Matiu 10:2

La ualaualasi'a ta'aposeli 12 ne aloxo 'o. Saimoni ane ualasou vile lexe Pita xe vimou e Anitilu xe Tiemisi ilou vimou Tioni e Sepeti ta'olu.

Maki 3:16

La tamitema 12 ane musoso­vosi'a ualaualasi'a aloxo 'o. Saimoni ane Iesua mulemolu lexe Pita.

Luku 6:13

Ioxe, aso muxali la anu mu'a­va­li'a tatisaipeliou mo muilou­ne'i 12 noxi'a so umoxo'a lexe ta'aposeliou.

Luku 6:15

Xe Matiu mo Tomasi. Xe Tiemisi e Alipiusi olu mo Saimoni anu so laili noxi'a Taseloti.