Luku 6:12 - Ata New Testament

¹² Ioxe, no voxo anene Iesua mutelai no la'olu vile so uvikala noxou Mosinge. La muxolu olovoxo loloni muvikala noxou Mosingesi xo mo lamana mukea.

Luku 6:12 Referans Kwoze

Ipilu 5:7

Ioxe, no voxo loxo Iesua muxolu no anu vasimolu so lialia 'o la anu mulinga mo mukatu noxou Mosinge. La no voxo ne mutama mole iou lexaxu mula. Mukatu axone xo mulavu lexe loxo usoli la Mosingesi umo­momo so u'umenu upamaulinu no anu soli. Xe Mosinge mumaisou lexe mulu'enu mo mumama'u noxou axone laso mukolinu katu noxou.

Maki 6:46

Ioxe, mupalupalusi'a tamitema milailai mukalu la anu mulutu mutelai no la'olu vile ne so muxolu muvikala noxou Mosinge.

Maki 1:35

Xe no kakau isi'isivoxosio la Iesua mutulu mula. Mutulu mula la mulai va'axu no tuala no apu vile ane tamitema ixolu uasi. Mulai so muxoxolu muvikala noxou Mosinge.

Kolosi 4:2

Xe nga'italongengi avile no anu vote'i so ngavivikala noxou Mosinge. Mo loxo ngaxolu ngavikala noxou la xavutalamengi lamanasi xe opongengi u'osasi.

Matiu 6:6

Ia loxo ngamasaxa ngavikala noxou Mosinge la nga'unalai no ngiou nonano no tasinge ka ngatatu. Mukalu la ngavikala noxou Maminge e tasaxisou uasi. Xo Maminge ne anu usaxisou mimi ane utatalume mukalusi la anu molu ukolineni.

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Maki 3:13

Ioxe, ili'i la Iesua mulai teitexi no la'olu vile. La tamitema ta'ei mumasaxai'a lexe imulinu la mu'avali'a so oli'a milai.

Luku 5:16

Ia alaxu tavu'alo anu muxexesi'a mo mulai no xale lia ane tamitema ixolu no anu uasi so uvikala noxou Mosinge.

Luku 6:11

Ia ane'i tamitema so lavulavu no anu lavuloto oli'a Tapalisi la'iaxa'a manina la mivikalane'i ngato'o mo milalaxi lexe i'oxo axova noxou Iesua.

Luku 6:17

Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Luku 9:18

Ioxe, no voxo vile la Iesua muxoxolu so uvikala noxou Mosinge la tatisaipeliou a oli'a mixoxolusi. La anu mutali'isi'a aloxo 'o, “Tamitema latala ivikala lexe eni ena'eio?”

Luku 9:28

Ioxe, muvikala axone xe mixolu voxo loxo 8 mukalui laso anu muno'a Pita xe Tioni xe Tiemsisi la oli'a milai teitexi no la'olu vile so uvikala noxou Mosinge.

Luku 9:29

Muxolu muvikala noxou Mosinge sila iou muxiu muxali iou vilemo manina. Xe lavulutiou muvalukeasi mo muiei.

Tioni 6:3

La Iesua oli'a tatisaipeliou mitelai no la'olu vile la mitalupexa so mima'ila ne.