Luku 5:5 - Ata New Testament

⁵ La Saimoni muvikalanu lexe, “Tatilao, olovoxo loloni nexi tekaine'i tasinana ia ativoku vitanisi, taxalisou vile uasisi. Ia loxo nini nalemolu la alomuxenesi so asu'anu uvenila.”

Luku 5:5 Referans Kwoze

Tioni 2:5

Ia nenu mivikalane'i tami­tema so xaixai no anu tani lexe, “Loxo uvikalangengixu mi ma'ia la nga'oxonusi.”

Tioni 15:14

Mo ngingi loxo ngamulinu voto e epilixinu noxinge 'o la ngingi tamenexilo ane.

Tioni 21:3

Sila Saimoni Pita mu'avuti muvikalane'i lexe, “Ai, eni masi alai akae tasinana.” La ane'i tamenexu mivikalanu lexe, “Io' nenge nenge'a talai.” Laso ane'i milai mitelo no anu pouti vile so mixixao no kupa. Mixixao olovoxo loloni so ikakae ia ixalisou sinana vile uasisi.

Luku 8:24

La ane'i milai mitulusou Iesua lexe, “Tilao, Tatila, nenge masi tamamulo ane!” Xe anu mu'avuti mutulu sika mulavixu sivo ilou xasi tatila loxo kisou ulu ne. Mulavixu sila alaxu vilesisi mutalo mo muai e muai se'isisi.

Luku 17:13

Mitulu nopaxa la mi'ava mune'e noxou lexe, “Iesuao. Tilasixeo, na'ulaunasixe!”

Luku 9:33

Mimaisi'a axone xe ilou so ixexesoui la Pita muvikala lexe, “Tatananexi, laixe so nenge taxolu aloxo 'osi. Nenge ta'alaxu tani tatalu. Vile sine xe vile noxou Mosisi xe vile noxou Elaitia.” Pita muvikala axone vuluvulusisi.

Luku 9:49

La Tioni muvikalanu Iesua lexe, “Tatananexio, nexi temaisou itema vile a ukusai'a ta'angelo tamasua no anu ualasine. Ia anu vile noxinge uasi laso nexi te'apixu.”

Luku 8:45

La Iesua mutali'i lexe, “Ena'ei mukasilo 'o?” La ane'i vilevilesi mi'oxo lexe, “Eni uasi!” Xe Pita muvikalanu lexe, “Tatilao, tamitema tavu'alo e tavu'alo mixalilixene mo a miveli noxine to ne.”