Luku 3:23 - Ata New Testament

²³ Ioxe, no voxo loxo Iesua musoko'u xaixai noxou la tau iexu 30 mukalu. La tamitema mukalusi mikalavoi lexe anu Iosepu olu ane. Iosepu anu Eli olu.

Luku 3:23 Referans Kwoze

Matiu 13:55

Ano'o ne telavusou. Anu kapenita olusi to! Anu nenu ne Malia. Xe tavimo­vimou a Tiemisi xe Iosepu xe Saimoni xe Iutasi, ne?

Ta'aposeli 1:1

Eni akaukavunu a'alo vilela ano'o so ulai noxine nini Tiopilusi. No anu a'alo noxilo tei la ea'aloxu xaixai mo pelototo noxou Iesua mukalusi.

Tioni 6:42

La mivikala lexe, “Ano'o ne Iesua, anu Iosepu olu tosi. Nenge telavusi'a momu olie nenu a. Laso axova so anu uvikala lexe anu molu no tualasou Mosinge mulu'e 'o?”

Luku 4:22

Xe tamitema mixolu milomusou vaikala laixe ane mula no anaxu ne la mivikalasou laixe. Ia ane'i tane'ililiou mo mitali'isi'a ngato'o lexe, “Xo axova, ano'o Iosepu olusi a?”

Maki 6:3

Ano'o ne telavusou. Anu kapenitasi to! Anu Malia ilie. Nenge telavusi'a tavimovimou e Tiemisi xe Iosepu xe Iutasi xe Saimoni. Xe tavimo­vimou tasema a nenge'a taxolu 'osi.” Ane'i mivikala axone la opone'i masuaou.

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Matiu 1:16

La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musoso­vosou.

Luku 3:31

Xe Eliakimi anu Melea olu. Xe Melea anu Mena olu. Xe Mena anu Matata olu. Xe Matata anu Natani olu. Xe Natani anu Teviti olu.

Matiu 1:6

Iesi muxalixu kingi Teviti. Teviti muxalixu Solomoni. Solomoni nenu e mitaula'i tei noxou Iulaia.

Matiu 1:1

Ioxe, ano'o nanasou Iesua Kalaisiti. Iesua anu ilusunu Teviti xe Teviti anu ilusunu Apala'amu.

Luku 2:48

Xe momu olie nenu mimaisou ne la ane'i mikuluke manina mo nenu mivikalanu lexe, “Alixeli, aloxova so ne'oxonexi aloxo 'o? Nexi noxou mamine oponexi mutamasine xo tekakamulineni.”

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”