Luku 24:6 - Ata New Testament

⁶ Anu uai 'o uasi, mutulu mumauli ne. Ngaxavutalanu vai­kalaou e mupilixinu noxinge loxo ngexolu ne Xalilisio.

Luku 24:6 Referans Kwoze

Luku 9:22

Mo muvikala aloxo 'o, “Eni amitema melo noxou Mosinge 'o atavulenu tu'utu'umaxu tavu'alo ili'io. Mo tatiatila noxi'a Taiuta xe noxi'a tapilisiti xe tamitema so lavulavu no anu lavuloto ixililiieli. Ixililiieli la ipilixileli noxi'a tamitema so ivelo asoli. Asoli mo vasimelo uai voxo tatalu ka amaulila.”

Maki 8:31

Xe mukalu la Iesua musoko'u so mupela'a tatisaipeliou lexe ili'i la usoli. Muvikalane'i lexe, “Itema ane molu noxou Mosinge utavu­lenu tu'utu'umaxu tavu'alo ili'io. Mo tatiatila noxi'a Taiuta xe noxi'a Tapilisiti xe tamitema so lavulavu no anu lavuloto ixililiiou. Ixililiiou la ipilixinu noxi'a tamitema so ivau usoli. Usoli mo uai voxo tatalu ka umaulila.”

Matiu 28:6

Anu uai 'o uasi, anu mutulu mumauli a loxo molu mulemolu mala'o. Xo ngane'e mo ngamalei, tanixu muai no anu a.

Luku 9:44

“Ngingi ngalomunganiou vai­ka­­la­­xeli 'o. Ili'i la Itema ane molu noxou Mosinge u'italo no avo'a tamitema.”

Matiu 27:63

Milutu xe mixali la mivikala lexe, “Tatila, nexi texavutalanu vaikalaou itema so kalavoi olele e mulemolu loxo muxoxolusio. Mu'oxo lexe, 'Voxo tatalu upolo ukalu la eni atulu amaulila.'

Matiu 16:21

Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.

Matiu 12:40

Xo Iona ne anu muxolu no anu sinana tanu aso tatalu xe olovoxo tatalu. La anu axone kalumo noxou Itema ane molu noxou Mosinge, xo anu uxolu no anu lialia tanu aso tatalu xe olovoxo tatalu.

Maki 16:6

Mikuluke ia anu muvikalane'i lexe, “Ngakuluke uasi. Eni alavu lexe ngingi ngene'e so ngakamulinu Iesua so Nasaleti e mililinu no ovu valautu. Anu uxolu 'o uasi. Anu mumaulila. Ngamaisou, ano'o tanixu mimulaxu.

Luku 24:5

Misaxisi'a laso ane'i tane'i kalaua mo mitangatulu. Ia tatamei ne mivikalane'i lexe, “Axova so ngakamulinu anu ane mumauli no taine'i tamitema so soli 'o?

Luku 24:34

La ane'i mivikalane'i ilou lexe, “Ai anu manina lexe Tatananenge mutulu mumauli ne. Xo anu mupa noxou Saimoni.”

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.

2 Tesalonaika 2:5

Xo ngaxavutalanu uasi? Exolu noxinge la elomolemolu mimi ano'o noxinge mukalu.