Luku 24:51 - Ata New Testament

⁵¹ La anu a uvivikalasio sila Mosinge muno'u mulaixu no tualasou.

Luku 24:51 Referans Kwoze

Ta'aposeli 1:9

Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Tioni 20:17

Xe Iesua muvikalane lexe, “Nasavunixo uasi xo eni alai teitexi noxou Mamilo uao. Ia nini nalai noxi'a tavivilo mo navikalane'i lexe eni a so alai teitexi noxou anu e Maminge nenge'a xe Mosinge nenge'a.”

Ipilu 4:14

Ioxe, pilisiti tatila na'a nenge u'uli'uli avile ne mu'unalai no anu tasou Mosinge mukalu. Anu Iesua e Mosinge Olu. Laso lopala na'a nenge talemolu la tatetelisou pakia'u.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Luku 24:50

Ioxe, Iesua mulaixi'a tatisai­peliou xo la mixali ne Vetani. La anu mutolosou avolu mo muvika­lasou xoluxoluxa'a laixe.

Luku 24:52

Laso ane'i mi'iti'itinu Mosinge ualasou7 mo mi'osa'osa manina so milivu milai ne Ielusalemo.