Luku 24:36 - Ata New Testament

³⁶ Ioxe, ane'i tatisaipeli a ivivikalasio, sila anu a mutulu no taine'i. La anu muvikalane'i lexe, “Opongengi uai se'isisi.”

Luku 24:36 Referans Kwoze

2 Tesalonaika 3:16

Tatananenge anu tava'u xolu­xolu lalavulusi molu usu'ulingengi mo so mi ma'ia uxali la opongengi uai se'isisi. Tatananenge ne a uxoxolu noxinge vilevilesi ne.

Luku 10:5

Mo loxo ngaxali no tuala vile xe nga'unalai no tani aneva, la ngavikalane'i tei lexe, “Ngingi tatemanu tani masi ngaxolu lalavulusi.'

Maki 16:14

No voxo vile ili'i la tatisaipeliou 11 mixolu mo a i'ani'ani, la Iesua muxali noxi'a. Muxali la mulavixa'a xo ilopala uasi lexe manina so anu mumaulila. Mo xo ane'i ilomuxa'a uasi ane'i ane mimaisou xe mia'aloi'a lexe anu mulivu muxalila.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

1 Kolini 15:5

Xe ili'i la anu mupala'a noxou Pita xe mukalu la mupala'a noxi'a ta'aposeliou.

Tioni 20:26

Xe voxo 7 mupolo mukalui la ane'i tatisaipeliou Iesua a mipitala, la Tomasi a oli'a mixolu. Mixolu la mitatusou aitengaxu tani ia Iesua mupa mutulu no taine'i ka muvi­kala lexe, “Opongengi uai se'isisi.”

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Matiu 10:13

Laso loxo ane'i tamitema talaixe la vaikala laixe so xoluxoluxa'a lexe lalavulusi ne anu uxalixu nene'axu. Ia loxo ane'i talaixe uasi la anu vaikalameni laixe ne ulivu uxolu noxinesi.

Ta'aposeli 1:3

Xo tei la anu mutavulenu tu'umaxu mo musoli. Ia Mosinge mupamaulinu mukalu la anu mumaxa'u noxi'a tamenexu. La anu muxolu no taine'i voxo 40 mo mumaxa'u noxi'a alaxu tavu'a­lo so ilavu manina lexe anu mu­mau­lila. Mo muvikalane'i so voxo ane Mosinge molu u'uli laxune'i tamitemaou.

1 Kolini 15:7

Xe mune'ela la anu mupala'a noxou Tiemisi xe mukalu la mupala'a noxi'a ta'aposeliou muka­lusi.