Luku 24:27 - Ata New Testament

²⁷ Laso anu musoko'u noxou Mosisi mo mulai avile no anu vaikalai'a tapolopeti mukalusi so mupalapalasinoxu vaikalasou ane muai no anu lavukuou Mosinge loloni.

Luku 24:27 Referans Kwoze

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”

Luku 24:25

Ioxe, la Iesua muvikalane'i ilou lexe, “Ai, ngingi tamitema so ngano'u lavulavu palea uasi. Ngavovoxo misevile so ngalo­palanu vaikalai'a tapolopeti muka­lusi.

Ta'aposeli 7:37

La itema Mosisi nesi, anu itema ane muvikalane'i tatiatilasinge Ta'isilaeli tatei lexe, 'Mosinge usosovosou polopeti vile loxo eni 'o. Anu molu noxinge u'isalili.'

Ta'aposeli 3:24

Ane'i tapolopeti misoko'u noxou Samueli mo mune'e la misaxi mu'uli ka mia'aloxu mi ane uxaxali 'o.

Ta'aposeli 3:22

Xo Mosisi mule­molu vaikala vile aloxo 'o, 'Mosinge anu Tatana­nenge anu utulusou polo­peti vile no anu laili noxinge uxali loxo eni 'o. La ngingi ngalomuxu mi ma'ia anu ulemolu noxinge.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Maki 4:34

Mu'oxo aloxo 'o. Loxo tamitema tavu'alo mipita la anu mulanu vaikala no anu latilovosi. Xe ili'i loxo oli'a tatisaipeliou ane'isisi mixolu laso anu mululusou laxulaxu noxi'a.

Tioni 5:37

La Maminge e mupalusilo ne, anu molu mulanu vaikala so upala'a­nixilo. Ia ngingi, la ngalomusou xolinu sevile uasi mo ngamaisou iou lexe axova uasisi.

Tioni 12:41

Aisaia mulanu vaikala anene xo musaxi mu'uli no anu xoluxolu lailaixe mo xaviou Iesua ka muvikalasou.

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Ta'aposeli 8:35

Mutali'i axone laso Pilipi musoko'u so muvoto­votou. Tei la mululusou laxu vaikala nesi. Mukalu laso anu musisimulinu vaikala laixe so Iesua.