Luku 23:53 - Ata New Testament

⁵³ Laso anu Iosepu muno'u Iesua vasimolu ka muisisinu no anu lavalava kea. Mukalu la mulaixu mumulaxu no lulu ane mi'asou mu'unalai no maia tava'u. Lulu ne alavuasi, imulaxu itema vasimolu no anu uao.

Luku 23:53 Referans Kwoze

Maki 15:46

Mu'italonu axone laso Iosepu mulotonu lavalava kea mo mulu'enu Iesua vasimolu no ovu valautu. Mulu'enu mukalu la muisisinu vasimolu no anu lavalava kea. Mukalu la mulaixu mumulaxu no lulu ane mi'asou mu'unalai no maia tava'u. Mumulaxu mukalu la mupipalo'u lavo'o toxoxu so mutanuxu lulu anaxu.

Luku 23:52

Itema ano'o mulai noxou Pailati mo mulinga noxou lexe upilixinu Iesua vasimolu noxou. La Pailati muvikala lexe, “Mi vile uasi, nano'usi.”

Luku 23:54

Ioxe, voxo anene ilalaxixu Voxo so Ma'ila mo anu a so uxali.

Tioni 19:41

Anu xai vile muxolu alai se no anu apu e Iesua musoli no ovu valautu. La no anu xai ne lulu vile e maia taxanu a muxolu. Anu lulu ne alavuasi, imulaxu vasimolu itema musoli no anu uasi.

Ta'aposeli 13:29

Ioxe, ane'i mixalixu nene'axu vaikalai'a tapolopeti loxo milemo­lusou mukalusi, laso milu'enu no anu ovu valautu. Milu'enu no ovu valautu mukalu la milai mimulaxu no lulu.