Luku 23:51 - Ata New Testament

⁵¹ Xe loxo tamenexu tatiatila milalaxinu opone'i mo mi'oxonu Iesua masua la anu umuline'i no anu uasi. Anu mu­lavusou uxomaiou voxo so Mosinge molu u'uli laxune'i tamitemaou. Anu so taoni vile noxi'a Taiuta e ilemolu lexe Alimatea.

Luku 23:51 Referans Kwoze

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Luku 2:38

La no voxo ne ane kalumo mine'e misaxisou keakea laso mivi­kala laixe noxou Mosinge. La mia'a'aloxu noxi'a tamitema ta'ei ane mixoxomaiou voxo so Mosinge upamauline'i tatemanu taoni ne Ielusalemo.

Maki 15:43

la Iosepu so tuala ne Alimatea mulai noxou Pailati so mutali'isouxu Iesua vasimolu. Mutali'isou lexe umomomo so uno'u vasimolu so u'asixu no voxo nesi, xo ne'iela la Voxo so Ma'ila. Iosepu ne anu vile noxi'a takaniseli noxi'a Taiuta. Anu kalumo muxomaiou voxo so Mosinge molu u'uli laxune'i tamitemaou. Mune'e so utali'isou Pailati ia oponu u'olo'olo lexe masi u'oxo axova noxou. Oponu mu'olo'olo ia mutali'isi.

Luku 23:42

La muvikala lexe, “Iesuao, no voxo loxo na'uli laxune'i tamitemameni la naxavutalaleli kalumo.”

Matiu 27:57

Ioxe, aso so u'unae la itema so lamoli vile so tuala ne Alimatea ualasou lexe Iosepu mune'e. Anu kalumo muxali tisaipeliou Iesua.

Luku 23:52

Itema ano'o mulai noxou Pailati mo mulinga noxou lexe upilixinu Iesua vasimolu noxou. La Pailati muvikala lexe, “Mi vile uasi, nano'usi.”