Luku 23:5 - Ata New Testament

⁵ Ia ane'i miuolotete pakia'u lexe, “O anu ulavusou uxixao ne Iutea mukalusi, musoko'u ne Xalili xo mo mune'e avile no taoni noxinge 'o. Uxixao mo ulanu vaikala so u'unanu tanu noxi'a tamitema la u'avutinoxu opone'i to!”

Luku 23:5 Referans Kwoze

Tioni 2:11

La mi e Iesua mu'oxonu ne Kana no xale lia ne Xalili ne anene soko'u no anu sosovo so xavi e mu'oxo'o­xonu. Anu mu'oxonu so umaxa'u lavulavu ilou xavi mu'uli'uli noxou. La ane'i tati­saipeliou milopala noxou.

Tioni 1:43

Ioxe, no voxo loxo ne'ielala la Iesua mulalaxinu oponu lexe ulai no xale lia Xalili. La muxalisou itema vile ualasou lexe Pilipi ka muvikalanu lexe, “Nane'e namu­lileli.”

Maki 1:14

Xe mune'e xe Tioni mukalavusui la Iesua mulivu mu'una no xale lia ne Xalili so ulanu vaikala laixe noxou Mosinge.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Ta'aposeli 23:10

Mipelesou anaxa'a axone xo mo ane'i so i'oto la tatila noxi'a ta'ami mu'ume xo muxavutala lexe masi ane'i imamulonu Polu vasimolu ane. Mu'ume laso muvikalane'i ta'ami lexe ipalea ilai so iutululunu Polu mo i'umenu ilaixu no tasi'a ta'ami.

Ta'aposeli 10:37

Ngingi masi ngelomusou a'alo so mimi ane muxali ne Iutea. Anu musoko'u no xale lia ne Xalili ili'i no anu voxo loxo Tioni muvotovoto ka mu'oxonu ilixo so kelele.

Ta'aposeli 7:57

Ane'i milomusou axone la mi'ava'ava tatila mo mitomunu sangali'a. La ane'i mipisikei mipita so mitetelisou Sitiveni.

Ta'aposeli 7:54

Ioxe, ane'i tatiatila milomusou vaikalaou Sitiveni la la'iaxa'a manina mole anaxa'a mukala­kikiou.

Ta'aposeli 5:33

Xe ane'i tatiatila milomusou vaikala anene, la mixamulinu lexe muto'omolu opone'i. La la'iaxa'a manina, mo mi'oxo lexe ive'ave'a ta'aposeli isoli.

Tioni 19:15

La ane'i milivuxu no anu ava lexe, “Naxexenu ulai. Naxaxenu ulai. Nalilinu no ovu valautu so usoli.” Xe Pailati mutali'isi'a lexe, “Xo axova, alilinu kingimengi no ovu valautu so usolio?” La ane'i tatiatila noxi'a tapilisiti mikolinu lexe, “Nexi kingimexi vilela uasi, Sisa anusisi.”

Tioni 7:52

La ane'i milivuxu lexe, “Uo, nini to masi kalumo so Xalili, ne? Nalai nakakamuli laixe no anu lavukuou Mosinge mo na'itisou so upalasi noxine lexe polopeti vile so uxali ne Xalili uasisi.”

Tioni 7:41

Xe leviani la mi'oxo lexe, “Anu ano'o ane so Kalaisiti.” Ia levianila la mi'oxo lexe, “Xo axova, loxo anu ane so Kalaisiti uxali la umomomo so anu Xalili vile aloxo anu ano'o? Uasi manina.

Luku 23:23

Ia ane'i miuolotetesi mo mi'ava tatila noxou Pailati so lexe ulilinu Iesua no ovu valautu so usoli. La ava noxi'a musu'asou vaikalaou Pailati mo mipamuxanu xavutalaousi.

Luku 11:53

Muvikala mukalu la muxexesou tuala muxolu no anu ne. Ia ili'i la tamitema so lavulavu no anu lavuloto oli'a Tapalisi opone'i ialuxuou manina mo mimaititiou no anu tali'i iouiou.

Matiu 27:24

Ioxe, Pailati mulavu lexe anu mupuninusi xo ane'i opone'i pakia'usi mo a so i'avutinoxu oto. Laso anu muno'u lexa sevile ka mu'uinu avolu no ie'i tamitema latala ne mo muvikala lexe, “Ngamalei, ano'o latilovosou sialu­xu itema ne. Xo loxo usoli la anu sialuxu uai no avolo uasi. Tava'u soli noxou a ngingi nesi.”

Matiu 2:1

Ioxe, Malia mivo'onu Iesua no xale lia ne Iutea no tuala ne Peteliemu no mine Eloti muxolu kingisio. Ane mivo'onu la tamitema se'i so lavulavu me'a no anu xale lia no Isiti loxo aso uxali. Me'a nopaxa ne mine'e xo laso mixali ne Ielusalemo.

Matiu 11:1

Ioxe, Iesua mupelototosi'a tatisai­peliou 12 ne mukalu la anu mulutu mulai no taotaoni no anu xale lia ne so muvotovotone'i tamitema mo mulalanu Mosinge vaikalaou noxi'a.

Luku 23:6

Xe Pailati mulomusou vaikala ne la mutali'i lexe, “Xo itema ano'o so Xalili, ne?”