Luku 23:38 - Ata New Testament

³⁸ La ane'i mikaukavu no anu mi vile mo miteinoxu no ovu valautu teitexi no kisou. Kaukavu ne aloxo 'o, “Ano'o kingi noxi'a Taiuta.”

Luku 23:38 Referans Kwoze

Maki 15:26

Anu ilixo noxi'a so ikaukavunu susu noxi'a tamitema mililinu no ovu valautu. Ia ane'i mikaukavunu no ovu valautu noxou Iesua lexe “Ano'o kingi noxi'a Taiuta.”

Matiu 27:37

Anu ilixo noxi'a so ikaukavunu susu noxi'a tamitema mililinu no ovu valautu. Ia ane'i mikaukavu no ovu valautu teitexi no anu kisou Iesua lexe “Ano'o Iesua, anu kingi noxi'a Taiuta.”

Luku 23:3

La Pailati mutali'isou Iesua lexe, “Nini kingi noxi'a Taiuta, ne?” La Iesua mukolinu lexe, “A loxo nini mene nelemolu ne.”

Maki 15:32

Loxo anu ane so Kalaisiti e Mosinge musoso­vosou so kingi noxinge Ta'isilaeli maninasou la anu umomomo so ulu'e no ovu valautu ne. Xe tamaisou axone la nenge talavu lexe manina mo talopala noxou.” La tamitema tamei milili no pa'upa'umolu ne, ane'i kalumo mimolo sukusou axone.

Tioni 19:3

Xe mine'ene'e alai noxou mo mivikalanu lexe, “O aso, kingi noxi'a Taiuta.” La mi'otu'o­tunu alaiou.

Maki 15:18

La ane'i misu­kunu mivikala lexe, “Kakau, kingi noxi'a Taiuta.”

Matiu 27:11

Ioxe, Iesua mutulu no laxunu tila no anu xamani e Pailati la anu mutali'isou Iesua lexe, “Nini kingi noxi'a Taiuta, ne?” La Iesua mukolinu lexe, “Ani, aloxo nini mene nelemolu.”

Matiu 2:2

Mixali la mitalitali'i lexe, “Keakea e so kingi noxi'a Taiuta a uxolu ne'ei? Nexi texolu no tualasixe no aso uxali la temaisou taoto vile so musoso­vosou laso tene'e so taitinu ualasou.”