Luku 22:42 - Ata New Testament

⁴² “Papao, tu'umaxu e so uxali noxilo la loxo lexa sixula. Loxo namasaxau la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Luku 22:42 Referans Kwoze

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Matiu 26:42

Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.”

Maki 14:36

Xe mukatu lexe, “Papao, Mamiloo. Nini namomomo so na'oxonu mimi mukalusi no anu masaxa noxine. Tu'umaxu e so uxali noxilo la loxo lexa sixula. Loxo eni, la amasaxau lexe naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Tioni 18:11

La Iesua muvikalanu Pita lexe, “Namulaxu laviso so oto ne ulivu no tanixula. Xo axova, temanu kapu e Mamilo mulosilo 'o tu'umaxu, la aiexu uasi?”

Matiu 20:22

La Iesua muvikalane'i ilou aloxo 'o, “Ngingi ngilou ngalamana no anu mi ane ngalingau uasi ane. Xo ngingi ngamomomo so ngaiexu lexa sixula eni so aiexu 'o? La ilou mi'oxo lexe, “Ani nexi tamomomo ane.”

Tioni 5:30

Ioxe, Iesua musolonu aloxo 'ola, “Loxo eni melo la umomomo so a'oxonu mi vile vitanisi uasi. No anu vote'i so atilovo la alomu noxou Mamingesi. Laso tilovo noxilo ulapusi xo taleli u'oxoxu masaxa na'axelimo uasi, u'oxoxu masaxa noxousi e mupalusilo ene'e 'o.

Tioni 6:38

Eni elu'e no tualasou Mosinge so amulinu masaxa na'a xelimo uasi, eni ene'e so amulinu masaxa noxou anu ane mupalusilo ene'e 'osi.

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Matiu 26:44

Xe muxexesi'ala la mulai muvikala noxou Mosinge alaxu tatalusou. La muvikala iou vilesisi a loxo mulemolu tei.

Matiu 6:10

Mo voxo so nini mene na'uli laxune'i tami­temameni la laixe so une'e 'osi. Xe naxalixu nene'axu masaxa noxine no lialia 'o a loxo nalavusou naxalixu no tualasine lailaixe ne.

Matiu 11:25

Ioxe, no voxo ne la Iesua muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepa­la'anixu noxi'a tamitema pelesi'a a loxo takeakeasi 'o.

Matiu 11:26

E Papa, muxali aloxo 'o xo mumulinu masaxa noxine u'isalilisi.”

Luku 23:34

Mililixu Iesua mukalu la muvikala lexe, “Papao, oponeni ulu'e so susu noxi'a tamitema 'o xo ane'i ilavusou mi ma'ia i'oxonu 'o uasi.” La ta'ami mitaxusou lavulutiou ka mi'oxonu ilixo so uala so lexe ena'ei uno'u aneva.

Ta'aposeli 21:14

Ioxe, nexi temaisou lexe Polu pakia'usi lexe ulai laso nexi texolusi. Tatovonu so taxiunu oponula uasi. Tevikala lexe, “Mi noxou Mosingesi.”