Luku 22:37 - Ata New Testament

³⁷ Xo no anu lavukuou Mosinge la vaikala vile mukaukavu no anu aloxo 'o, 'Ane'i tamitema isaxisou lexe anu vile noxi'a tamitema tamasua.' La avikalangengi lexe tamitema i'oxo axone noxilo xo vaikala ma'ia ulemolu silo la uxalixu nene'axu ane.”

Luku 22:37 Referans Kwoze

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Luku 23:32

La ta'ami mine'ene'i tamitema tamei kalumo. Ane'i ilou ne mikalavusu so susu se'i mi'oxonu laso Talomu mi'oxo lexe ive'a oli'a Iesua isoli.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Tioni 17:4

Nepalusilo xe exolu no lialia 'o la epala'anixu uala mu'uli'uli noxine xo emomomosou xaixai e nepi­lixinu noxilo so a'oxonu.

Tioni 10:35

Tatei la Mosinge mulanu vaikala axo'o noxi'a mo mumoxo'a lexe ane'i itulu Mosinge no ie'i tamitema. Mulemolu axone mo nenge telavu lexe vaikala no anu lavukuou Mosinge uxolu axonesi, ulapua vitanisi uasi.

Luku 18:31

Xe ili'i la Iesua muno'a tatisaipeliou 12 milai va'axu sevile ka muvikalane'i aloxo 'o, “Ngalomu, nenge'a tatelai ne Ielusalemo 'oe. La vaikalai'a tapolopeti e mikau­kavunu tatei so lexe mi ma'ia uxalisou Itema ane molu noxou Mosinge anu uxalixu nene'axu ane.

Luku 22:22

Xo manina, mimi uxali noxou Itema ane molu noxou Mosinge mu'isalili a loxo Mosinge molu mulalaxinu lu­mamo. Ia masua manina noxou itema ane so upilixinu no avo'a tauluaou.”

Maki 15:27

Mililixu Iesua la no pa'upa'u­molu mililixa'a tamitema so pakali tamei. Vile mulili no avolu tema xe vile no avolu kaisi.

Luku 22:36

Xe muvikalane'i lexe, “Ia vaimomo 'o la itema ulu'ulu so lamoli la uno'usi. Xe loxo tiva la utavulenu. Xe itema loxo laviso so oto uasi la usalimunu saketi so sivo xe lamolisou la ulotonu laviso so oto.

Luku 22:52

Mukalu la Iesua muvikalane'i tatiatila noxi'a tapilisiti xe tatiatila noxi'a tamitema so latolo no anu tasou Mosinge xe tatiatila noxi'a Taiuta e mine'e so mitelisou ne. Muvikalane'i lexe, “Ngingi ngeno'u laviso so oto ilou kulukulue nge­ne'ene'e aloxo 'o so lexe ngate­telisou itema lasikeli vile?

Luku 24:27

Laso anu musoko'u noxou Mosisi mo mulai avile no anu vaikalai'a tapolopeti mukalusi so mupalapalasinoxu vaikalasou ane muai no anu lavukuou Mosinge loloni.

Maki 15:28

Laso vaikalou polopetiou vile ane muxolu no lavukuou Mosinge munene'a xo muvikala lexe, “Ane'i misaxisou la loxo anu vile noxi'a tamitema tamasua.”