Luku 22:28 - Ata New Testament

²⁸ No voxo loxo tu'utu'umaxu muxali so mutovoleli la ngingi nga'umesilo uasi, ngexolu noxi­losi.

Luku 22:28 Referans Kwoze

Ipilu 4:15

Xo loxo tovotovo uxalisinge la nenge taxamulinu lexe pelesingesi. Ia anu laixe xo pilisiti tatila na'a nenge ukali­palanu va'axu no anu tu'umaxu tatavulenu uasi. Anu oponu upita no anu mo uxamulinu xo tovotovo ma'ia uxalisinge ne la muxalisou tatei kalumo. Ia loxo anu la ususu no anu uasi.

Ipilu 2:18

Xe aloxo 'ola. Loxo tovotovo uxalisi'a ne la anu umomomo so usu'uline'i xo anu kalumo muxa­mulinu navunavu no anu tovo­tovo.

Ta'aposeli 1:25

Laso anu uxali aposeli so uno'u tanixu Iutasi. Xo Iutasi muxexesou xaixai ano'o mukalu mo mulai no anu tuala ane mulovo no anu ilixo noxou.”

Tioni 8:31

Ioxe, Iesua muvikalane'i Taiuta ane milopala noxou ne lexe, “Loxo ngaxoxolu avile no anu vaikalaxeli la ngingi ngaxolu tatisaipelixeli manina ane.

Matiu 24:13

Ia ane'i ane so ixolu pakia'a ulai uxali avile no anu kaluxusou voxo la ixalisou pamauli.