Biblia Todo Logo
Bib sou entènèt

- Piblisite -




Luku 22:22 - Ata New Testament

22 Xo manina, mimi uxali noxou Itema ane molu noxou Mosinge mu'isalili a loxo Mosinge molu mulalaxinu lu­mamo. Ia masua manina noxou itema ane so upilixinu no avo'a tauluaou.”

Gade chapit la Kopi




Luku 22:22
26 Referans Kwoze  

Xe mune'e la Mosinge mu'italonu noxinge so uxali loxo anu mulalaxinu oponu mo mulavu lumamo. Laso ngingi ngepilixinu noxi'a tamitema tamasua so mililinu no ovu valautu so musoli.


Mo muvikalane'i aloxo 'o, “Kaukavu muai no anu Mosinge vaikalaou lexe anu ane so Kalaisiti utavulenu navunavu tei kaio no voxo tatalu la anu utulu no anu solila.


Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.


Xo Ulenu Kalaisiti muxolu nonano noxi'a so mupala'anixu mimi e so uxalisou Kalaisiti ili'i. No anu anaxa'a la mulemolu tu'utu'umaxu ane Kalaisiti mutavulenu xe mupala'anixu lexe ili'i la utavu­lenu uala u'uli'uli. Tapolopeti milemolu vaikala anene kaio mitatali'i lexe “O, anu itema ena'ei ne, mo uxali no voxo aneva?”


Xo loxo exolu noxi'a 'o la elaxa'ine'i no anu xavinu ualasine e nepilixinu lexe ualasilo 'o. Eni e'oxo latolosi'a la vile noxi'a umamulo uasi, ia vilesisi e so mamulosi xo no anu ane la vaikala e uxolu no lavukumeni uxalixu nene'axu.


Vaikala noxou Mosinge tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'uma­xusou ane, laixe loxo nenu ivo'onu uasi.”


Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'uma­xusou ane, laixe loxo nenu ivo'onu uasi.”


Laso Iutasi mupeinu lamoli nonano no tasou Mosinge sika mulai mu'aili'o mole musoli avile.


Xe ane'i tatisaipeli milomusou vaikalaou la tane'ilili mo mivi­vikalane'i ngato'o so lexe ena'ei noxi'a u'oxo mi e mulemolu ne.


Taa'aloxu xo anu molu mupelototosixe lexe tavoto­voto noxi'a tamitema mo tapela'a. Tapela'a lexe anu ane Mosinge musosovosou lexe utongone'i tami­tema no lakoti noxou. Utongone'i tamitema imamaulisio xe ane'i isoisoli mukalusi.


Xo anu musosovosou voxo mukalu so tamitema latala no lialia 'o ikoti ili'i. Xe anu musosovosou Itema vile so uto­ngone'i tamitema mo utilovosi'a lexe ilixo noxi'a axova. Anu mumaxa'u noxinge latala lexe anu musosovosou Itema ena'ei no anu xaixai ne. Mumaxa'u no anu vote'i e so mutulusou mu'umenu no anu soli.”


Swiv nou:

Piblisite


Piblisite