Luku 22:19 - Ata New Testament

¹⁹ Xe anu muno'u pileti ka muvikalasou laixe noxou Mosinge. Mukalu la muse'inu mo mulosi'a tatisaipeliou. La muvi­kala lexe, “Ano'o eni vasimelo. Eni a'italonu so ngaxalisou mauli no anu. Laso nga'oxonu aloxo 'o so xavutalemengi uno'ilo.”

Luku 22:19 Referans Kwoze

1 Kolini 10:16

Loxo nenge tasoso­vosou Kalaisiti sialuxu no anu lexa la tavikalasou laixe noxou Mosinge tei. Ukalu xe taiexu la nenge oponenge vilesisi mo nenge vilesisi no anu sialuxu Kalaisiti. Mo axone kalumo no anu pileti. Loxo tase'i­nenge mo ta'ou la anu upitanenge vilesisi xo nenge vilesisi no anu vasimolu Kalaisiti.

Luku 22:20

Ioxe, mi'ou pileti mukalu la mu'oxo axone no anu kapu so uaini. La muvikala lexe, “Kapu so uaini 'o anu so konitalaki alavua a axalixu no anu sialuxo 'o xo unixinixi so ngaxalisou mauli no anu.”

1 Kolini 10:4

Mo ane'i mukalusi miie no anu lexa Mosinge Ulenu mulosi'a no lavo'o. Ia lavo'o ne anu lavo'o vitanisi uasi xo Ulenu mu'oxonu latilovo so Kalaisiti no anu. Mo Kalaisiti molu muxolu no taine'i ne kalumo.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

Epesusi 5:2

Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.

Tioni 6:51

La pileti umamauli e molu no tualasou Mosinge mulu'e ne a eni 'osi. Loxo itema ena'ei u'ani no anu pileti ano'o la uxolu umauli kaluxu uasi. Pileti ane apilixinu so uxalisou mauli no anu ne a vasimelo 'osi. Xe loxo apilixinu la anene vote'isi'a tatemanu lialia mukalusi kalumo so ixalisou mauli.

Luku 24:30

Mixolu mo ane'i a so i'ani la anu oli'a mixolu mipita so i'ani no latevolo. Xe anu muno'u pileti ka muvikalasou laixe noxou Mosinge. Mukalu la anu muse'inu mo muvelunuxa'a.

Matiu 14:19

Ioxe, Iesua muvikalane'i tami­tema lexe ita'ota'olu no lia no laxalasi ne. Mukalu la muno'u pileti ta'uve ilou sinana soxu tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ne mo mulosi'a tatisaipeliou so ivelunuxa'a tami­tema latala.

Tioni 6:23

Mixolu xo la pouti se'i molu ne Taiveliasi mune'e muxali noxi'a no anu apu e Tatananenge muvikala laixesou pileti kaiou mi'ani'ani no anu.

Luku 22:17

Muvikala axone mukalu laso anu muno'u kapu so uaini mo muvikalasou laixe noxou Mosinge. Mukalu la mulosi'a mo muvikala lexe, “Ngano'u mo ngavelungenge ngato'o.

1 Tesalonaika 5:18

Mo loxo mi ma'ia uxali la ngavikalasou laixe noxou Mosinge. Xo masaxa noxou noxinge tamite­maou Kalaisiti Iesua axone.

Xalesia 4:25

Axali ne isosovosou la'olu Sainai no xale lia ne Alevia. Xe kalumo la isosovosou taoni Ielusalemo 'o. Xo Ielusalemo anu loxo sema silevi xe ta'ilie ane'i tasilevi kalumo.

Matiu 15:36

La anu muno'u pileti 7 xe tasinana moso ne mo muvikala laixe noxou Mosinge. Mukalu la anu muse'ise'inu mo mulosi'a tatisaipeliou so ivelunuxa'a tami­tema.