Luku 21:36 - Ata New Testament

³⁶ Ia ngingi la iengi uka laixe voxovoxo utotomu. Mo ngalingau xavi noxou Mosinge so loxo vote'i la mimi anene uua'ulingengi uasi. Mo so axone la ili'i ngingi ngatulu no laxunu Itema ane molu noxou Mosinge.”

Luku 21:36 Referans Kwoze

1 Tioni 2:28

Laso ane, ta'alixeli moso 'o, ngingi ngaxolu pumungenge noxou Kalaisiti mo so loxo anu upala'a la ta'osasi so tamaisou iou mo tamaila ka ta'umenu vasimenge noxou loxo uxali uasi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

Matiu 25:13

La Iesua muvikala lexe, “Anu axone. Ngingi ngalo laixe xo ngalavusou voxo so Tatanangengi uxali uasi ane.”

Matiu 24:42

Laso ngingi ngalo laixe xo ngalavusou voxo so Tatanangengi uxali uasi ane.

1 Pita 4:7

Ioxe, kaluxusou mimi mukalusi a so uxali 'oe. Laso ngatilovo laixe mo ngapamuxanu ilixomengi laixe mo so axone la ngaxolu se'isisi so ngavivikala noxou Mosinge.

1 Kolini 16:13

Ngingi ngalaxa'i laixe. Ngatulu pumungenge no anu lopala noxinge. Xoluxolungenge loxo tamitema ane tane'i mukalu, nga'ume uasi.

Luku 18:1

Ioxe mune'e la Iesua mu'oxonu latilovo so upela'a lexe anu laixe so ivikala noxou Mosinge utotomu, itotosa no anu uasi.

Maki 13:33

Laso ngalaxa'i laixe mo ngaxolu ngau­titisi, xo ngalavusou voxo e Mosinge musosovosou uasi.

Iuti 1:24

Ioxe, Mosingesi umomomo so ulaxa'ingengi mo so ngatulaki ngalapau uasi. Mo anusi umo­momo so uxalixinge no anu tanixu iaxu no tualasou. Xe loxo ngatulu no iou ne la no anu osa'ilasi xo susu vile noxinge so usaxisou uasisi.

Matiu 26:41

Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasaxau lexe ngaxolu pakia'inge ia vasimenge umomomo to uasi.”

1 Tesalonaika 5:17

Mo opongengi utulu so ngavi­kala noxou Mosinge utotomu.

Maki 13:37

Vaikala ane a'italonu noxinge 'o ne noxi'a latala. Ngalaxa'i mo ngautiti laixe.”

2 Timoti 4:5

Ia loxo nini, la xavutalameni lamana so natilovo­sou mimi mukalusi. Loxo naxalisou navunavu la natavulenusi mo na'o­xonu xaixaimeni e so nalanu vaikala laixe. Xaixai ane Mosinge mupilixinu noxine ne, namomoxu avilesi.

Kolosi 4:2

Xe nga'italongengi avile no anu vote'i so ngavivikala noxou Mosinge. Mo loxo ngaxolu ngavikala noxou la xavutalamengi lamanasi xe opongengi u'osasi.

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Luku 20:35

Ia ili'i loxo Mosinge utulusi'a tamitema ane utilovosi'a lexe laixe so ixolu noxou avile la ane'i itataula'i uasi.

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Matiu 24:43

Xo loxo ngelavu, loxo mosou tani ulavusou aso iou u'isalili no olovoxo so lasikeli une'e upakali, la anu ulo laixe ane. Vote'i uasisi so itema lasikeli ne upakisi u'unalai no tasou.

Matiu 24:44

Laso ngingi kalumo ngaxolu ngalo laixe xo Itema ane molu noxou Mosinge une'e no anu aso iou ane ngalavusou uasi.

Luku 1:19

La angelo mukolinu lexe, “Eni Xevilieli a. Eni ane alavusou atulu no laxunu Mosinge. Anu molu mupalusilo ene'e epala'anixu vaikala laixe ano'o noxine a.

Luku 21:35

Voxo anene uxali noxi'a tatemanu lialia mukalusi.

2 Kolini 4:14

Xo telavu lexe Mosinge mutelonu Tatananenge Iesua laso nenge ane taxolu noxou Iesua la utelonenge axone kalumo. Ukalu la anu utulusinge nenge'a no iou.

Mupala'a 6:17

Xo voxo tatila so la'ia noxi'a ilou a muxali 'oe. Laso tamaxalexu mo taxolu laixe uasisi a.”

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.

Mupala'a 8:2

Xe emalei loxo 'o la emaisi'a ta'angelo 7 e itulu no laxunu Mosinge, la milosi'a piuka 7.

Mupala'a 11:4

Ioxe, ilou ne ane'i a loxo ovu olivi tamei xe loxo lalamo tamei so utulu no laxunu Mosinge. Mosinge e anu mosou lialia.