Luku 21:25 - Ata New Testament

²⁵ La Iesua muvikala aloxo 'ola, “Mo kalumo no voxo anene sosovo se'i uxali no anu aso xe so'io xe tataoto. Xe noxi'a tatemanu lialia mukalusi la ixolu ilomusou xasi no luaki luluxu tatila la tane'ilili manina.

Luku 21:25 Referans Kwoze

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Ta'aposeli 2:19

La eni alosoie'i tamitema mimi iou vilemo manina no loxotolo. Xe a'oxonu sosovo no anu xavileli no lia, sialu xe navu xe umuxu tatila.

Maki 13:26

Laso ane. Tamitema imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Maki 13:24

Muvikala axone mukalu la musolonu aloxo 'ola, “Tu'utu'u­maxu anene uxali ukalui la aso uxali isivoxosi mo so'io ukala uasi.

Matiu 24:29

Muvikala axone mukalu la musolonu aloxo 'ola, “Tu'utu'u­maxu anene uxali ukalui la aso uxali isivoxosi mo so'io ukala uasi. Mo mimi xavixavinu no loxotolo ukunikuni la tataoto ilapalapau ulu'e.

Maki 15:33

Iesua mulili ne xo xe no veloe la isivoxo toxoxu musu'asou lialia mukalusi. Isivoxo ne muxoxolu xo mo aso iou 3 no olo'olovoxo.

Matiu 27:45

Iesua mulili ne xo xe no veloe la isivoxo toxoxu musu'asou lialia mukalusi. Isivoxo ne muxoxolu xo mo aso iou 3 no olo'olovoxo.

Luku 21:24

Mo tauluai'a ive'ave'a leviani no anu laviso so oto. Xe ilaixi'a leviani so ikalavusu no anu xale tuatuala nopaxapaxa. La tamitema noale'ale imalomaloxo'u Ielusa­lemo umo­momo no anu voxo Mosinge musovosou lexe voxosi'a ane.”

Luku 21:26

Mo ane'i opone'i u'olo'olou mimi ane uxaxali no lialia ne la ie'i uxalixalili mole ilapalapau no liasi. Xo mimi e xavixavinu no loxotolo ukuni­kunisi.