Luku 21:23 - Ata New Testament

²³ La tanengexa'a tasema ne opo'opone'i xe ane'i ane ta'ili'a i'ou sususio. Xo masi i'au'ausi'a la i'ume palea uasi. La anene voxo so tu'utu'umaxu uxali no lialia mo la'ia noxou Mosinge utuvusi'a tatemanusi.

Luku 21:23 Referans Kwoze

Luku 23:29

Xo ngalomu, voxo tu'umaxu uxali ili'i la ngalomusou vaikala lexe, 'Laixe noxi'a ane'i ane ipala mo ivo'one'i ta'ili'a uasi. Mo laixe noxi'a ane'i ane ta'ili'a so isusune'i uasi.'

Maki 13:17

La tane­ngexa'a tasema ane opo'opone'i xe ane'i ane ta'ili'a i'ou sususio. Xo masi i'au'ausi'a la i'ume palea uasi.

Matiu 24:19

La tanengexa'a tasema ane opo'opone'i xe ane'i ane ta'ili'a i'ou sususio. Xo masi i'au'ausi'a la i'ume palea uae.

1 Pita 4:17

Voxosou Mosinge utilovosi'a tamitema a mune'e alai mukalu. Ioxe, tilovo noxou la uxali tei noxi'a tamitemaou. Laso loxo usoko'u noxinge tamitemaou u'isalili la masi ukalusou axova noxi'a ane'i ane tamitemaou uasi mo mixililiou vaikalaou laixe? Noxi'a ne ialuxu e lapilai uasisi.

Tiemisi 5:1

Xe eni vaikala so alemolu noxi'a tamitema ane ixolu ilitisi no anu mimi. Anu laixe so ngaxavutalanu tu'utu'umaxu e so uxalisinge la ngatatama mo ngaungaungasi.

1 Tesalonaika 2:16

Ane'i itanutanunexe so talanu vaikala so pamauli noxi'a tamitema noale'ale uasi. Ane'i me'a isu'anu la'oluxu susu noxi'a la anu loxo uana'ana avile. Laso la'ia noxou Mosinge mumomomo mo mulalaxisi.

Ipilu 13:16

Mo kalakala­ngenge so nga'oxonu alauna uasi. Xe loxo tamitema isoti no anu mi vile la ngasu'uline'i. Laixe so nga'oxo axone xo ngingi a ngapilixinu mi vilela noxou Mosinge e u'osasou ane.

Luku 19:43

Xo nalomu. Voxo vile ili'i la tauluameni ine'e isu'anu la'oluxu lia uxixaosou vimelusine so loxo ukapikapineni avile.

Luku 19:27

Xe tamitema tauluaxeli e imasaxa'ilo so a'uli laxune'i uasi la ngano'a ine'e 'o mo ngave'ave'a no ieli isoisoli avile.'”

Matiu 21:44

Xe no anu lavo'o ne la loxo itema utulaki mo ulapau no latanu ne la ukakaka e lapilai uasisi. Ia loxo lavo'o ne ulapau utuvusou itema la anu umamulo e utuxu upaxepaxelesi.”

Matiu 21:41

La ane'i mivikalanu lexe, “Anu masi umamulone'i tamitema tama­sua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”

Matiu 21:16

La ane'i mitali'isou Iesua lexe, “Ai nelomusou vaikalai'a to ne?” La Iesua mukoline'i lexe, “Ani elomu­sou. Ia masi nga'itisou Mosinge vaikalaou pa'usou vile uasi. Xo uvikala lexe, 'Vaikala so osa'ilasine ula no anaxa'a tamolomolomo.'”

1 Kolini 7:26

Eni axavutalanu tu'utu­maxu ane a uxuxali noxinge. Laso opoleli lexe ngingi tamulu ngaxolu axova la ngaxolu axonesi.