Luku 21:16 - Ata New Testament

¹⁶ La tamaminge taneninge xe tavivinge xe tatulangengi xe tamenexinge ane'i kalumo ipilixi­ngengi no avo'a tauluamengi. Laso ane'i ivenge ngingi se'i ngasoisoli.

Luku 21:16 Referans Kwoze

Luku 12:53

Ikalipala laso itema uxililiou olu xe molomolo uxililiou momu. Mo sema ixililie ilie xe molomolo ixililie nenie. Mo sema tila ixililie ua'ane xe sema itaula'i ixililie ua'ane.”

Mupala'a 6:9

Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Ta'aposeli 12:2

Mo anu muvi­kala laso tamitemaou mivau Tiemisi e Tioni vimou musoli. Ane'i mivau no anu laviso so oto.

Ta'aposeli 7:59

Ane'i a ivavau Sitiveni, la anu muvikala lexe, “Tatanaleli Iesua, uleleli a so ulai noxine.”

Maki 13:12

Xe no voxo anene la tamitema ipilixine'i tavimovimo'a so ikoti­xa'a mo ive'a isoisoli. Xe tamitema i'oxo axone noxi'a ta'ili'a kalumo. Mo ane'i se'i la ixililie'i tamami'a taneni'a mo ipilixine'i so tamitema ive'a isoli.

Matiu 10:21

Xe no voxo anene la tamitema ipilixine'i tavimovimo'a so ikotixa'a mo ive'a isoisoli. Xe tamitema i'oxo axone noxi'a ta'ili'a kalumo. Mo ane'i se'i la ixililii'a tamami'a taneni'a mo ipilixine'i so tamitema ive'a isoli.

Luku 21:15

Xo eni melo alosinge vaikala so ngalanu noxi'a ilou lavulavu u'asi'asi. Laso loxo ngalemolu vaikala la ane'i ane ixililiienge ne imomomo so ikolingengi uasi, saexa'a uxolasi.

Luku 21:17

Mo ane'i tamitema latala mukalusi imatapiangengi xo ngingi a ngatavulenu ualasilo ne.