Luku 20:46 - Ata New Testament

⁴⁶ “Ngingi masi ngalaxa'i laixe noxi'a tamitema so lavulavu no anu lavuloto. Ane'i ilavusou imulaxu lavuluti lailaixe so ixixao no loxoloxomala mo so tamitema itaxane'i mo ivikala kakau aso noxi'a. Xe no anu tatasou lavuloto la ane'i italupexa no anu lu u'uli. O loxo no anu la'ilali la imasaxau tanixa'a tatiatilasi.

Luku 20:46 Referans Kwoze

Luku 11:43

Ngingi Tapalisi anu masua noxinge xo nga'itingengi to! Ngingi ngaxolu u'uli no ie'i tamitema no anu tatasou lavuloto. Mo ngama­saxau lexe tamitema loxo ixalisinge no loxomala la itaxangengi mo ivikala aso noxinge.

Luku 14:7

Ioxe, Iesua mumaisi'a tamitema latala ane mosou tani muali'a so ine'e no anu la'ilali anene la ipalea itovonu so lexe ta'ei italupexa no anu tanitanixa'a tatiatila. Mumai­sou axone laso anu mulemolu latilovo noxi'a aloxo 'o.

Luku 12:1

Ioxe, mune'e la tamitema tavu'alo e tautauseni mipita mole tainu vile uasi, mimalomaloxo'asi. La Iesua muvikalane'i tatisaipeliou tei lexe, “Ngingi ngalaxa'i laixe no anu isiti noxi'a Tapalisi. A a'oxo latilovosou ilixo so lolo noxi'a to!

Matiu 16:6

Xe Iesua mupelototosi'a lexe, “Masi ngamalei laixe. Ngala­xa'inu isiti noxi'a Tapalisi oli'a Tasatusi so opongengi ulai no anu uasi.”

3 Tioni 1:9

Ioxe, mala'o ekaukavu vaikala se'i mulai noxi'a tatemanu pita lai ne. Ia Tiotelepesi e oponu u'oxoxu tanixu so u'uli'uli noxi'a ne, anu ulomuxu vaikalamexi to uasi.

2 Timoti 4:15

Laso nini kalumo nalaxa'i laixe noxou itema ne xo anu xavinu so muxililiou votovoto noxixe.

Lomu 12:10

Mo ngamasaxa'inge ngato'o xo ngingi tavivinge ane. La ngingi vilevilesi ngalu'engengi io ngavi­kalasi'a tavivinge laixe.

Maki 8:15

Xe Iesua mupelototosi'a lexe, “Masi ngamalei laixe. Ngalaxa'inu isiti noxi'a Tapalisi oli'a Eloti so opongengi ulai no anu uasi.”

Matiu 23:1

Ioxe, ili'i la Iesua mulanu vaikala noxi'a tamitema latala oli'a tatisai­peliou.

Luku 20:47

Mo loxo sema vile mulue usoli la i'oxo loloxe so isalimunu tasie, ia lamolisou la ane'i me'a ino'u. Mo itoxa'a no anu lakilaka so ivikala veveni musuku. Tamitema axone, no voxo loxo Mosinge utilovo mo ukolinu ili'ilixo la itavulenu tu'umaxusou ilixo noxi'a u'oki avile.”