Luku 20:25 - Ata New Testament

²⁵ La Iesua muvikalane'i lexe, “Laso ane. Loxo mi noxou Sisa la ngapilixinu noxou u'isalili. Xe mi noxou Mosinge la ngapilixinu noxou u'isalili kalu­mo.”

Luku 20:25 Referans Kwoze

1 Kolini 10:31

Laso no anene la avika­langengi aloxo 'o. Loxo nga'ani o ngaie o nga'oxonu mi ma'ia la nga'oxonu so uxalixu mi vilesisi. Ane so uxalixu Mosinge ualasou utilasi.

Ta'aposeli 5:29

Pilisiti tatila muvikala axone mukalu ia Pitaena mikolinu aloxo 'o, “Loxo vaikalai'a tamitema uxililiou vaikalaou Mosinge la nexi tamulinu anene noxou Mosingesi.

Maki 12:17

La Iesua muvikalane'i lexe, “Laso ane. Loxo mi noxou Sisa la ngapilixinu noxou u'isalili. Xe mi noxou Mosinge la ngapili­xinu noxou u'isalili kalumo.” Anu muvikala axone la ane'i tane'ilili noxou misevile.

Matiu 22:21

La Iesua muvikalane'i lexe, “Laso ane. Loxo mi noxou Sisa la ngapilixinu noxou u'isalili. Xe mi noxou Mosinge la ngapilixinu noxou u'isalili kalumo.”

Matiu 17:27

Ia mi vile uasi, masi opone'i tu'umaxuinge ane. Laso na'oxo aloxo 'o. Nalai na'uku no kupa xe sinana ane u'ala tei la nano'u ka na'a'anixu anaxu. La nano'u lamoli a uai nonano no anaxu ne. Mukalu la nalai nalosi'a so ulotonu taxisi noxinge nengei.”

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

Luku 20:24

“Ngane'enu lamoli siliva vile mo ngamaxa'uielixu.” Mine'enu laso mutali'isi'a lexe, “Pikisa mo uala no lamoli 'o noxou eio?” La ane'i mi'oxo lexe, “A noxou kingi Sisa to!”