Luku 20:24 - Ata New Testament

²⁴ “Ngane'enu lamoli siliva vile mo ngamaxa'uielixu.” Mine'enu laso mutali'isi'a lexe, “Pikisa mo uala no lamoli 'o noxou eio?” La ane'i mi'oxo lexe, “A noxou kingi Sisa to!”

Luku 20:24 Referans Kwoze

Matiu 18:28

Ioxe, mukalu xe uokuvoi ne mulai noale la muxalisou menexu uokuvoi vile ane tina'uxu 10 kina muai noxou. La mutetelisou ka mukapi laxu mo muvikala lexe, 'Napalea nakolinu tina'uxene muai noxilo 'o.'

Pilipai 4:22

Ane'i tamite­maou Mosinge u'isalili lai 'o mukalusi ivikala aso noxinge. Ia ane'i noxi'a so ixaixai no tasou Sisa, la pakia'a manina lexe avikala aso noxingesi.

Ta'aposeli 26:32

Mo Axilipa muvikalanu Vesi­tusi lexe, “Loxo anu muvikala lexe ukoti noxou Sisa uasi, la anu umomomo so napilixinusi mo ulai. Ia mulemolu laso vote'i uasi.”

Ta'aposeli 11:28

Anu itema vile noxi'a ualasou lexe Axavusi mutulu mo muvikala no anu xavi noxou Ulenu Laixe. Muvikala mupela'a lexe vitolo toxoxu uxali ili'i no xale tuatuala mukalusi. Nene'axu vaikalaou muxali ili'i no voxo loxo kingi vile noxi'a Talomu ualasou lexe Kalautiusi muxolu.

Luku 23:2

La ane'i misoko'u so ito'omolu no anu vaikala lexe, “Nexi temaisou itema ano'o anu ulapune'i tami­temamexi ipolo va'axu. Mo anu u'apixa'a lexe isu'anu taxisi noxou Sisa uasi. Xe anu molu uvikalasou lexe anu ukingi xo anu ane so Kalaisiti.”

Luku 20:22

Laso naxavutala axova? Anu laixe so nenge tasu'anu taxisi ulai noxou kingi noxi'a Talomu e Sisa, o uasi?”

Luku 3:1

Ioxe, Sisa Taiveliusi muxolu mukingi noxi'a Talomu tau iexu 15 xe Ponitiasi Pailati mutulu kisou xamani no anu xale lia ne Iutea. Mo no voxo anene kalumo Eloti mu'uli laxunu xale lia ne Xalili xe vimou Pilipi mu'uli laxunu xale lia ne Itulia mo Talakonitisi xe Lisaniasi mu'uli laxunu xale lia ne Avilene.

Luku 2:1

No voxo ne la Sisa Oxasitusi mu'oxonu voto vile mo mukalanu mulai no tuatula ane mu'uli laxunu ne. Mu'oxo lexe i'oxonu senisisi mo ino'u ualaualasi'a tatemanu mukalusi.

Matiu 20:2

La anu muvikala lexe ulotone'i no anu kina vilevilesi so aso ne, la ane'i mi'osa. Laso anu mupalusi'a milai mixaxai no anu xaixu so uaini ne.

Matiu 22:20

La Iesua mutali'isi'a lexe, “Pikisa mo uala no lamoli 'o noxou eio?” La ane'i mi'oxo lexe, “A noxou kingi Sisa to!”

Luku 20:23

Ia Iesua mulavu no anu lolo noxi'a to ne laso muvikalane'i lexe,

Luku 20:25

La Iesua muvikalane'i lexe, “Laso ane. Loxo mi noxou Sisa la ngapilixinu noxou u'isalili. Xe mi noxou Mosinge la ngapilixinu noxou u'isalili kalu­mo.”

Maki 12:16

Mine'enu la anu mutali'isi'a lexe, “Pikisa mo uala no lamoli 'o noxou eio?” La ane'i mi'oxo lexe, “A noxou kingi Sisa to!”