Luku 20:21 - Ata New Testament

²¹ La mivikala noxou lexe, “Tisao, nexi talavu lexe nini namitema so vaikala maninasi. Ane'i tatiatila o tamitema vitanisi ne navikalane'i iou vilesisi. Ane'i latala ne napelototosi'a no anu vaikalaou Mosinge mani­nasousi.

Luku 20:21 Referans Kwoze

Matiu 22:16

Laso ane'i mipalusi'a tatisaipelii'a oli'a laili e mivalaxu Eloti se'i milai noxou Iesua mo mivikalanu lexe, “Tisao, nexi talavu lexe nini namitema so vaikala maninasi. Nini napelototo no anu vaikalaou Mosinge manina­sousi mo namama'u noxi'a tamitema uasi. Ane'i tatiatila o tamitema vitanisi ne navikalane'i iou vilesisi.

Xalesia 1:10

Xo axova, nga'oxo lexe alemolu vaikala ano'o so tamitema i'osasilo o so Mosinge u'osasilo? Eni sasaieli so axilisine'i tamitema, ne? Uasi to, xo loxo eni opoleli ututulu lexe tamitema i'osasilosi, la vote'i so axolu amitema so xaixai noxou Kalaisiti uasisi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Maki 12:14

Mixali noxou la mivikalanu lexe, “Tisao, nexi talavu lexe nini namitema so vaikala maninasi. Mo namama'u noxi'a tamitema uasi. Ane'i tatia­tila o tamitema vitanisi ne navikalane'i iou vilesisi. Ane'i latala ne napelototosi'a no anu vaikalaou Mosinge maninasousi. Laso naxavutala axova? Anu laixe so nenge tasu'anu taxisi ulai noxou kingi noxi'a Talomu e Sisa, o uasi?

Xalesia 2:6

Ioxe, eni elulusou votovoto noxilo noxi'a tatiatila e ualasi'a ne ia ane'i imulaxu vaikala sevile no latanu uasi. Ai, eni amoxo'a lexe tatiatila e ualasi'a, ia noxilo la anu mi vile no anu uasi. Tamitema mukalusi iou vilesisi no iou Mosinge.

Luku 20:20

Ioxe, ane'i tatiatila mituluxu Iesua laixe mo so loxo upolo va'axu no anu vaikalaou vile la itetelisou ka ipilixinu no avolu tila no anu xamani so ukotixu. Laso mipalusi'a tamitema se'i ane mikalavoi lexe ilolomu laixe noxou ia loxo manina la mine'e so milakokongoxusi.

Luku 20:22

Laso naxavutala axova? Anu laixe so nenge tasu'anu taxisi ulai noxou kingi noxi'a Talomu e Sisa, o uasi?”