Luku 2:15 - Ata New Testament

¹⁵ Ioxe, ta'angelo mixexesi'a so milivu no tualasou Mosinge muka­lu la tamitema so isaxila'a tasipi­sipi mi'oxo lexe, “Ioxe, nenge tapalea talai ne Peteliemu mo tamaisou mi ma'ia muxali a loxo Tatananenge mupela'ingexu 'o.”

Luku 2:15 Referans Kwoze

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

Luku 24:51

La anu a uvivikalasio sila Mosinge muno'u mulaixu no tualasou.

Matiu 12:42

Xe no anu voxo so lakoti ne la kuini so xale lia no anu sauti itulu ito'ome'a laili so vaimomo'o kalumo. La vaikalaie upala'anixu susu noxi'a xo ane mele no lia telexu so mine'e milomusou lavulavu u'asi'asi noxou Solomoni. Ia ngalomu, vile uxolu no taingengi 'o uua'ulixu Solomoni avile kalumo.”

Luku 2:14

“Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Luku 2:16

Laso ane'i milutu palea milai xo xe milavu­si'ae laso mixalisi'a Malia ilou Iosepu. Mo mimaisou keakea a muai no lusou la'ilalixa'a takau.