Luku 19:38 - Ata New Testament

³⁸ La mi'ava'ava aloxo 'o, “Oponenge u'osasou Mosinge misevile mo ta'itinu ualasou. Tatananenge u'oxonu laixe noxou kingi ane molu mupalusou 'o. Anu uxolu no anu xoluxolu lalavulusi mo iaxu no tualasou.”

Luku 19:38 Referans Kwoze

Luku 13:35

Laso ngingi tatemanu tuala ne ngalomu. Tualasinge umamulo mo uxolu vitanisi ane. Mo avikalangengi lexe ngingi ngamaisilo la uasi umomomo no anu voxo ili'i so ngavikala lexe, 'Mosinge u'oxo laixe noxou anu ane une'e no anu ualasou Tatana­nenge.'”

Matiu 21:9

Mukalu la tamitema se'i mi'uli noxou Iesua no vote'i xe se'i miili'i. La ane'i latala mi'ava'ava lexe, “Oponenge u'osasou Teviti ilusunu misevile mo ta'itinu ualasou. Tatananenge u'oxonu laixe noxou Itema anu molu mupalusou. Taitinu Mosinge ualasou teitexi avile.”

1 Pita 1:12

Ia Mosinge mupela'a lexe vaikala milemolu ne anu so si'a uasi. Pamauli e milemolu ne anu so uxali noxinge a vaimomo 'o. Laso maixene Mosinge mupa­lusou Ulenu Laixe molu no tualasou mulu'e, xe no anu xavi noxousi la tamitemaou mine'e milanu vaikala laixe noxinge. La ane'i ta'angelo talaixe kalumo imasaxau manina so ilamana no anu mimi ane Mosinge mu'oxonu noxinge ne.

1 Timoti 1:17

Laso ta'itinu ualasou Mosinge xo anu vilesisi ane. Anu kingi na'a nenge mo uxolu no tanixu ne avile. Anu kaluxu uasi. Nenge tamitema tasaxisou no ienge uasi, ia taxolu ta'itinu ualasou no anu mauli noxinge ulai ulai utalo uasi. Vaikala ano'o maninasi.

Epesusi 1:12

La musosovosixe so nexi ane tei so telopala noxou Kalaisiti mo so ualasou utilasi.

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Kolosi 1:20

Xe Mosinge mulalaxinu vote'i e noxou Olu so ulivunoxu mimi so lialia xe so tualasou noxou. Laso Olu mulili no ovu valautu xe sialuxu munixi mo so ukalusou kalipala xe u'oxonu vote'i so mimi mukalusi ulivu noxou Mosinge.

Epesusi 3:21

Avikala manina aloxo 'o. Laixe so nenge tatemanu pita noxou Kalaisiti Iesua ta'itinu ualasou Mosinge voxovoxo utotomu ulai utalo uasi.

Epesusi 3:10

Xe pita noxou Tatananenge muxali laso no anu vote'i anene la anu lavulavu noxou Mosinge upala'a avile. Mo so tatiatila noxi'a ta'angelo xe tami so xavi laixe no tualasou Mosinge ikuluke mo ivikala lexe, “Ai ngamaisou, lavulavu noxou Mosinge misevile.”

Matiu 2:2

Mixali la mitalitali'i lexe, “Keakea e so kingi noxi'a Taiuta a uxolu ne'ei? Nexi texolu no tualasixe no aso uxali la temaisou taoto vile so musoso­vosou laso tene'e so taitinu ualasou.”

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'