Luku 19:37 - Ata New Testament

³⁷ Iesua muxolusou toniki xe mulai la muxali no vote'i so ulu'elai no tava'u la'olu Olivi. La tatisaipeli tavula'o e mimulimulinu ne tane'iou sosovo so xavi iouiou e misaxisou mukalu laso misoko'u so i'itinu Mosinge ualasou no anu osa tatila.

Luku 19:37 Referans Kwoze

Matiu 21:1

Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli.

Luku 19:20

Xe vilela mune'e la muvikala lexe, 'Tilao, 20 kina noxine a uai 'o. Epiliunu ka epailanu muaisi.

Luku 18:43

Sila alaxu vilesisi iou lamanasi mo mumulinu Iesua mulai la mu'iti'itinu Mosinge ualasou. Xe tamitema latala mimaisou mi ne la ane'i kalumo mi'iti'itinu Mosinge ualasou.

Luku 7:16

Tamitema mimaisou mi ne la mama'u mukasi'asi mo misoko'u so i'itinu Mosinge ualasou. La mivikala lexe, “Ai, polopeti vile tila manina a muxali no tainenge 'oe!” Mo mivikala lexe, “Mosinge a mune'e noxi'a tamitemaou 'o.”

Maki 14:26

Mukalu laso ane'i milexenu lexesou Mosinge. Milexenu muka­lu la milutu milai mixali no la'olu Olivi.

Maki 13:3

Xe mune'e la Iesuaena mixolu no la'olu Olivi la iou mulaiou tasou Mosinge muxolu xalevile olele. La Pita xe Tiemisi xe Tioni xe Anitilu mine'e mitali'isou aloxo 'o,

Luku 19:29

La oli'a Iesua milai xo xe mine'e alai ne Ielusalemo la mixali no tuala ne Petivaxe xe no tuala ne Vetani, no anu la'olu Olivi. La Iesua mupalusi'a tatisaipeliou tamei.

Luku 19:36

Xe mutalupexa no anu toniki mo a ulalai la tamitema latala mixexenu lasiotii'a veveni so misia'u mumulinu vote'i.

Tioni 12:18

A'alosou sosovo so xavi ne muxali noxi'a tamotu latala e mixolu ne Ielusalemo laso maixene mine'e so ialaxu Iesua no vote'i.