Luku 18:32 - Ata New Testament

³² Xo ane'i ipilixinu no avo'a tamitema noale'ale. Laso ane'i imolo sukusou xe i'oxonu masua mo ituvesou.

Luku 18:32 Referans Kwoze

Luku 23:11

Xe Eloti oli'a ta'amiou milemolu vila'isou mo mimolo sukusou. Mukalu la misakinu lavalava tokolomosou laixe noxou ka mipalusou mulivu mulai noxou Pailati.

Ta'aposeli 3:13

Ngalo­mu. Mosinge e Mosi'a Apala'amu xe Aisaki xe Iakovo xe ta'ilusu­nenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau.

Maki 14:65

Mukalu la ane'i se'i misoko'u so mituvesou. Xe ane'i se'i misakinu iou no anu lavalava mo mivau no avo'a la mivikalanu lexe, “Napela'ixe lexe ena'ei muvene to ne?” Xe ta'ami se'i mino'u mo misavasavalou.

Matiu 26:67

Laso ane'i misoko'u so mituve­sou alaiou xe mi'otu'otunu. Xe se'i misavasavalou.

Matiu 16:21

Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.

Ta'aposeli 2:23

Xe mune'e la Mosinge mu'italonu noxinge so uxali loxo anu mulalaxinu oponu mo mulavu lumamo. Laso ngingi ngepilixinu noxi'a tamitema tamasua so mililinu no ovu valautu so musoli.

Tioni 18:35

La Pailati muvikalanu Iesuala lexe, “Xo axova, ne'oxo lexe eni a Iuta, ne? Ua, ane'i tatemanu xale lia noxinemo oli'a tatiatilasi'a tapilisiti mi'ataloneni noxilo. Laso atali'i­sine, nini ne'oxo mi ma'ia?”

Tioni 18:30

La ane'i mikolinu lexe, “Loxo anu itema so u'oxonu ilixo masua uasi la anu umomomo so nexi tapilixinu noxine aloxo 'o uasi.”

Tioni 18:22

Muvi­kala axone mukalu sila itema so latolo vile mutulu alai ne musavalou Iesua mo mu'oxo lexe, “Anene vote'i to e laixe so nakolinu tali'i noxou tilasi'a tapilisiti?”

Luku 23:35

Ioxe, tamitema latala a mitulu imalei ia tatiatila noxi'a mimolo vila'isou lexe, “Anu mupamauline'i tamitema mose'i. Laso loxo anu ane Mosinge muilounu mo musosovosou so Kalaisiti la anu molu upamaulinu.”

Luku 23:1

Ioxe, tatiatila mukalusi ne mi'a­vuti la milaixu Iesua so itulusou no laxunu Pailati.

Matiu 27:2

Mukalu la misakinu Iesua mo milaixu mipilixinu no anu Pailati avolu.

Tioni 18:28

Ioxe, ane'i Taiuta milanu Iesua no tasou Kaiavasi so milaixu no tasou tila no anu xamani. La anene no kakau manina. Milaixu no tasou tila ne ia ane'i me'a i'unalai uasi xo lo noxi'a muvikala lexe mi axone uxalixi'a nuni'a no iou Mosinge, la mimasaxau ixolu malemalengasi mo so ipita i'ani no anu lavilelu so Mualasi'a.

Maki 15:1

Mixolu mixolu xo xe no kakau manina la tatiatila mukalusi ne mipita. Ane'i tatiatila noxi'a tapilisiti oli'a tatiatila noxi'a Taiuta xe tamitema so lavulavu no anu lavuloto. Mipita so ivikala lexe i'oxo axova noxou Iesua. Mivikala mivikala xo xe opone'i vilesisi mukalui la misakinu Iesua mo milaixu mipilixinu no anu Pailati avolu.

Matiu 20:19

La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”

Matiu 22:6

Xe se'i noxi'a mitetelisi'a tauokuvoiou kingi sika mi'otu'otune'i lapilai uasisi mole misoisoli avile.

Luku 18:33

La ane'i ipuasou mo ivau usoli ia no anu voxo tatalusou la utulu umaulila.”

Tioni 18:32

Mi anene muxali axone so uxalixu nene'axu vaika­laou Iesua e mulemolu mala'o lexe anu usoli no anu vote'i axova.