Luku 18:13 - Ata New Testament

¹³ Ia itema ane so utaxusou taxisi ne mutulu va'axu sevile. Anu utala utelai uasi mutulu mutangatulusi. La mu'otonu lutunu so umaxa'u mama'u mo muvikala lexe, 'Uo Mosilo, eni amitema so susu a. Nini naiaiama noxilo mo nalosilo lakolisou susu uasi.'”

Luku 18:13 Referans Kwoze

1 Timoti 1:15

Eni alemolu vaikala vile manina mo laixe so tamitema mukalusi ilomuxu. Aloxo 'o. Kalaisiti Iesua mulu'e no lialia 'o so upamauline'i tamitema so susu. Xe no taine'i tamitema so susu ne la eni loxo a'uli'uli avile.

Luku 23:48

Xe tamitema latala e mipita so mimalei lexe ma'ia muxali ne loxo mimaisou axone la mi'otu'otunu lutune'i xo opone'i tu'umaxu manina. La mipaxepaxele milivu no tatasi'asi.

Ipilu 8:12

Xo eni aiaiama noxi'a so akolinu ilixo masua noxi'a uasi mo susu noxi'a la axavutalanula uasi.”

Ta'aposeli 2:37

Ioxe, tamitema milomusou vaikala ane Pita mulemolu la mixamulinu lexe muto'omolu opone'i. La ane'i mitali'isou oli'a tamenexu ta'aposeli aloxo 'o, “Tavivixe, laso nexi tanavaio?”

Ipilu 4:16

Laso ta'ume uasi, talai alai no anu sia kingi noxou Mosinge xo anene tanixu iaiama. Talai axone laso taxamulinu lexe anu tanunenge ane. Mo loxo mi ma'ia uxalisinge la uiaiama so usu'ulinengesi.

Lomu 5:8

Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

2 Kolini 7:11

Laso manina, Mosinge mu'oxonu opongengi mutu'umaxu axone ia ngingi menge ngamaisou nene'axu laixe a muxali no anu xoluxolu noxinge ne. Xo no anu vote'i anene la mupalusinge so ngetilovosou mo nge'isalilinoxu susu no taingengi. Xe noxou anu ane mupolo va'axu la ngepalea so ngelovonixu xo ngingi a ngamama'ui ne. Xe opongengi mutatamasi lexe nexi tane'e so nenge'a talovonixu mi ne. La no anu mimi mukalusi e nge'oxonu ne la ngemaxa'u opongengi lexe anu ulapusi.

Matiu 9:13

Laso ngingi ngalai ngano'u lavulavu no anu laxu vaikalaou Mosinge vile aloxo 'o, 'Tami ane ngalavusou ngave'a lexe noxilo la amasaxau to uasi. Mi ane a'osasousi a so tangengixa'a tamene­xinge.'” Xe Iesua muvikala aloxo 'ola, “Ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'asi.”

Luku 17:12

Mulai xe muxali no tuala vile la tamitema 10 so siki lepelesi mine'e mialaxu no vote'i ia mitulu nopaxasi.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Matiu 10:3

Mo Pilipi xe Patolomiu xe Tomasi xe Matiu e itema so utaxusou taxisi xe Tiemisi e Alipiusi olu xe Tatiusi.

Maki 11:25

Xe ngingi vilevilesi, loxo so navikala noxou Mosinge xe oponeni tu'umaxu so menexine vile la naxiunu oponeni so ulu'e noxou. Xo Mosinge anu Maminge a uxoxolu no tualasou mo anu kalumo uiasou susu noxinge.

Luku 22:41

Xe anu muxexesi'a va'axu sevile aloxo talea lavo'o ulai utalo no anu. La muxolasou tava'u mo muvikala noxou Mosinge aloxo 'o,