Luku 17:30 - Ata New Testament

³⁰ Laso ane, anu uxali iou vilesisi no voxo loxo Itema ane molu noxou Mosinge upala'a.

Luku 17:30 Referans Kwoze

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

2 Tesalonaika 1:7

Xe ngingi ane ngatavulenu navunavu vaimomo 'o la anu uxexenu so papaxesinge nenge'a. Mi anene uxali no voxo loxo Tatananenge Iesua oli'a ta'angelou xavine'i ilu'e no tualasou so ipala'a no anu navu lamixu.

1 Kolini 1:7

Ngingi ngasoti no anu mi vile laixe so Ulenu ulosinge uasi. Laso vaimomo 'o ngingi ngaxolu opongengi u'olo'olou voxo so Tatananenge Iesua Kalaisiti upala'a.

1 Pita 1:13

Laso ngaxolu xavutalamengi ulalaxi aloxo itema ulalaxi so umuamua'i, xe ngalaxa'inu opo­ngengi laixe so uxovulaulau uasi. La ngatulu pumungenge avile so ngalopalanu ngaxomaiou iaiama ane ngaxalisou no voxo loxo Iesua Kalaisiti upala'a.

1 Pita 1:7

Mi axone uxali so utilovosou lopala noxinge. No anu lavo'o koli la ivaxanu no navu so ikilolou lexe manina axova, xo navu u'elaxu mosomoso no anu uxexesi. Ia koli anu mi so uxolu avile to uasi, lopala noxinge anu mi lailaixe muua'ulixu koli. La Mosinge utilovosou lopala noxinge axone kalumo mo so anu ane maninasou no anusi uxolu. Uxolu avile umomomo no anu voxo so Iesua Kalaisiti upala'a laso anu uvika­lasou lopala noxinge laixe mo u'itinu ualasingexu.

Luku 21:27

Sila no voxo anene tamitema imaisou Itema ane molu noxou Mosinge upolo no anu sauma une'e, la no anu xavinu mo iaxusi.

Matiu 24:3

Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

1 Pita 4:13

Ngingi a nge'una no anu navunavu e Kalaisiti mutavulenu laso loxo navunavu ne utila la osa noxinge kalumo utilasi. Mo so no voxosou Kalaisiti upala'a no iaxu avile la osa'ila noxinge ulolutusi.

Maki 13:26

Laso ane. Tamitema imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Matiu 26:64

La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.”

Matiu 24:39

La ane'i ilavu lexe mi ma'ia uxali uasi. La xoluxoluxa'a axonesi xo mole anipa muxali sika mukalusi'a tamitema anene avile. Ioxe, loxo Itema ane molu noxou Mosinge uxali la anu axonesi.

Matiu 24:37

Xo voxo so Itema ane molu noxou Mosinge uxali la aloxo voxo so Noa muxoxolu.

Luku 21:22

Xo no voxo anene Mosinge ukolinu susu laso vaikala ane uxolu ukaukavu no lavukuou la uxalixu nene'axu mukalusi.

Luku 17:24

Xo ngelavu, lele'e lamixu upisikei no loxotolo ulutu no apu vile so ulai no apu vile. La anu Itema ane molu noxou Mosinge upala'a axone no anu voxosou loxo uxali.

Luku 17:29

Sixe Loti muxexesou tuala ne Sotomu la no voxo anenesi navu ilou lavo'o axexaxu mulapau mulu'e a loxo uali 'o sika tatemanu mimamulo mukalusi.

1 Kolini 1:8

Anu molu utetelisinge pakia'u umomomo no anu kaluxu­sou voxosinge. Xo no anu voxo so lailivu noxou la itema vile umomomo so uto'omenge uasi. Ngingi ngaxolu tamalemalenga noxou ane.

Kolosi 3:4

La mauli noxinge maninasou a noxou Kalaisitisi. Laso no voxo so upala'a avile la ngingi kalumo, xo ngingi ngoli'a Kalaisiti ngapala'a no anu xolu­xoluxu iaxu.

1 Tioni 2:28

Laso ane, ta'alixeli moso 'o, ngingi ngaxolu pumungenge noxou Kalaisiti mo so loxo anu upala'a la ta'osasi so tamaisou iou mo tamaila ka ta'umenu vasimenge noxou loxo uxali uasi.

1 Tioni 3:2

Ani tamaula, nenge'a taxolu Mosinge ta'olu vaimomo 'o ia loxo no anu xoluxo­lunenge ili'i la upalasi uao. Ia mi 'o telavusou, no voxo loxo Kalaisiti upala'a la nenge taxali loxo anu, xo nenge tasaxisou no anu xoluxoluxu manina.