Biblia Todo Logo
Bib sou entènèt

- Piblisite -




Luku 17:25 - Ata New Testament

25 Ia tei la anu utavulenu tu'umaxu tavu'alo mo tamitema so laili vaimomo 'o ixiunu tumali'aou.

Gade chapit la Kopi




Luku 17:25
18 Referans Kwoze  

Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.


Mo muvikala aloxo 'o, “Eni amitema melo noxou Mosinge 'o atavulenu tu'utu'umaxu tavu'alo ili'io. Mo tatiatila noxi'a Taiuta xe noxi'a tapilisiti xe tamitema so lavulavu no anu lavuloto ixililiieli. Ixililiieli la ipilixileli noxi'a tamitema so ivelo asoli. Asoli mo vasimelo uai voxo tatalu ka amaulila.”


Xe mukalu la Iesua musoko'u so mupela'a tatisaipeliou lexe ili'i la usoli. Muvikalane'i lexe, “Itema ane molu noxou Mosinge utavu­lenu tu'utu'umaxu tavu'alo ili'io. Mo tatiatila noxi'a Taiuta xe noxi'a Tapilisiti xe tamitema so lavulavu no anu lavuloto ixililiiou. Ixililiiou la ipilixinu noxi'a tamitema so ivau usoli. Usoli mo uai voxo tatalu ka umaulila.”


Anu mune'e muxolu no anu xale lia so laili noxou mu'isalili ia ane'i so laili noxou ne i'osa so i'unanu noxi'a uasi.


La ane'i ipuasou mo ivau usoli ia no anu voxo tatalusou la utulu umaulila.”


Xo Mosinge muvikalasou mi ne no lavukuou, ia masi vaikala ne ngalavusou uasi, ne? Muvikala aloxo 'o, 'Ane'i tamitema so itulusou tani mimatapianu lavo'o vile. Ia lavo'o nesi Mosinge mu­ilounu so muxali lavo'o so tani kisou.


Xe Iesua muvikalane'i lexe, “Mosinge vaikalaou pa'usou vile ngingi masi nga'itisou uao. Xo uvikala lexe, 'Ane'i tamitema so itulusou tani mimatapianu lavo'o vile. Ia lavo'o nesi Tatananenge muilounu so muxali lavo'o so tani kisou. Tatananenge molu muxalixu mi ne xe tesaxisou la takuluke xo lailaixe misevile.'


Anu muxali axone mo so vaikalaou polopeti Aisaia uxalixu nene'axu. Xo mulemolu tatei lexe, “Tata­nanexi, ane'i ta'ei milopalanu a'alo e telanu lexe manina? Mo ane'i ta'ei mimaisou xaixai xavinu noxou Tatananexi aloxo mu'oxonu 'o?”


Mo muvikalane'i aloxo 'o, “Kaukavu muai no anu Mosinge vaikalaou lexe anu ane so Kalaisiti utavulenu navunavu tei kaio no voxo tatalu la anu utulu no anu solila.


Xe ili'i la Iesua muno'a tatisaipeliou 12 milai va'axu sevile ka muvikalane'i aloxo 'o, “Ngalomu, nenge'a tatelai ne Ielusalemo 'oe. La vaikalai'a tapolopeti e mikau­kavunu tatei so lexe mi ma'ia uxalisou Itema ane molu noxou Mosinge anu uxalixu nene'axu ane.


Muvikala lexe, “Ngalomu. Nenge talai ne Ielusalemo 'oe. Evile so upilixinu Itema ane molu noxou Mosinge no avo'a tatiatila noxi'a tapilisiti xe tamitema so lavulavu no anu lavuloto. La ane'i ne imolo soli noxou mo i'italonu no avo'a tamitema noale'ale so ivau usoli.


Xo anu a upela'a tatisai­peliou lexe, “Evile so upilixinu Itema ane molu noxou Mosinge no avo'a se'i so ivau usoli. Ivau usoli xo xe voxo tatalu la utulu umau­lila.”


Swiv nou:

Piblisite


Piblisite