Luku 16:8 - Ata New Testament

⁸ Ioxe, ili'i loxo tilasou mulavusou ilixo mukilikalu noxou vosivoiou e mu'oxonu ne la muvikalasou laixe aloxo 'o, 'Ai itema ne lavulavuou kena.'” Xe Iesua musolonu lexe, “Laso avikala­ngengi aloxo 'o. Tamitema so lialia 'o ne lavulavui'a no anu vote'i so ipamuxanu xoluxoluxa'a ulavusou uua'ulixu lavulavu noxi'a tami­tema so lamana.

Luku 16:8 Referans Kwoze

1 Tesalonaika 5:5

Ngingi tamitema so lamana xe asosi. Nenge tamitema so isivoxo xe olovoxo uasi.

Epesusi 5:8

Xo tei la ngingi tamitema so isivoxo ia vaimomo 'o ngaxolu noxou Tata­nanenge. Ngingi ta'olu, laso ngamuamua'i no anu lamanaxu.

Luku 16:10

Mo loxo talopalanu itema no anu mi isusu'a se xe usaxila'u laixe la umomomo so talopalanu no anu mi mutiatila kalumo. Ia itema ane upolo va'axu no anu mi isusu'a se la talavu lexe upolo va'axu no anu mi mutiatila kalumo.

Tioni 12:36

Vaimomo 'o lamana a uxolu noxingesio laso ngalopala no anu lamana nesi, mo so axone la ngingi ngaxali tamitema so lamanasi. Iesua mulemolu mimi ne xo xe mukalui la anu muxexesi'a mo mu'umenu vasimolu mole voxo mose'i la uxolu no ie'i tamitema latala uasi.

1 Tioni 3:10

Ioxe, laso vote'i so tatongo lamana noxi'a tamitema lexe ane'i ta'ei Mosinge ta'olu xe ane'i ta'ei Uluaou ta'olu aloxo 'o. Tamitema ane imulinu ilixo mulapusi uasi ane'i tanoxou Mosinge uasisi. Xe ane'i ane imoxo'a tamitema lexe tavimo'a ia isexelaxa'a uasi, ane'i kalumo tanoxou Mosinge uasi.

Luku 16:4

E elavusou. Exavuta­lanu vote'i so loxo uku­sailo no anu vosivoi 'o la ane'i tamitema masi i'osasilo mo i'avalilo so a'una'una no tasi'a.'

Luku 20:34

Laso Iesua mukoline'i aloxo 'o, “Ane'i tamulu xe tasema so vaimomo 'o ne ane'i itautaula'i.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Pilipai 3:19

Ane'i xo ne ilomulomuxu masamasaxa no anu vasime'a mole mi ne loxo mosi'asi. La utotomu xavutalai'a uiaveou mimi so lialiasi mo i'itinu ilixo ane laixe so imaila no anu. Tamitema anene ixalisou mamulosi.

1 Kolini 3:18

Ioxe, ngingi menge ngaka­lavoingengi uasi. Loxo itema vile no taingengi lavulavuou so lialia 'o la anu ulu'enusi. Ulu'enu mo uxali loxo kaulongusi mo so loxo no anu masaxa noxou Mosinge la ulosou itema ne lavulavu noxou e u'asi'asi.

Luku 18:6

La Tatananenge muvikalane'ila lexe, “Tiasi ne ilixo noxou ulapu uasi, ia ngalomusou vaikalaou.

Matiu 17:26

La Pita muko­linu lexe, “A noxi'a leviani to.” La Iesua mu'oxo lexe, “Ia xo ma'i, ane'i ta'olu u'isalili ixolu lalavulusi no anu, isu'anu uasi.

Matiu 12:32

Mo itema loxo uvikala masuaou Itema ane molu noxou Mosinge la vote'i uxolusio so susu noxou ne uiasi. Ia itema ane upupuiou Ulenu Laixe la vote'i so susu anene uiasi uasisi. Tina'u so susu anene uxolu vaimomo 'o mo ulai avile no anu voxovoxo ili'i.”

Luku 16:7

Xe itema vile muxalila la vosivoi muta­li'isou lexe, 'Tina'uxene ta'eimo?' La anu mu'oxo lexe, 'A laveki so uiti 100.' La vosivoi muvikalanu lexe, 'Nano'u lapepe so tina'uxene mo naxiunu navasou mo nakauka­vunu lexe 80-si.'

Luku 20:35

Ia ili'i loxo Mosinge utulusi'a tamitema ane utilovosi'a lexe laixe so ixolu noxou avile la ane'i itataula'i uasi.