Luku 16:25 - Ata New Testament

²⁵ Ia Apala'amu mukolinu lexe, 'Alixeli, taneniu mi vile aloxo 'o. No voxo ane nemaulisio la nexolu no anu mimi latanusi. Xe Lasa­lusu xoluxoluxu masuasi. Ia vaimomo 'o no tuala ano'o anu umamatola laixe xe nini la natavulenu tu'umaxusi.

Luku 16:25 Referans Kwoze

Luku 6:24

Ia masua noxinge ngingi ane ngaxolu no anu mimi latanu xo osa noxinge se a ngexolu no anu mukalu 'oe.

1 Tioni 2:15

Mamu so opongengi usexelaxu lialia ano'o ilou misomisou. Xo loxo itema oponu usexelaxu misomisou lialia la sexelasou Maminge uxolu noxou uasi ane.

Maki 9:45

Mo loxo tava'ine u'oxoneni so natulaki na'una no anu susu, la naxotonusi. Xo loxo naxolu tava'ine tamei aloxo 'o ia ili'i nasu'a no navu so mamulosi la tu'umaxu misevile.

Lomu 8:7

Tamitema ane opone'i utulu no anu sususi, la ixililiou Mosinge. Xo ane'i vote'i so imulinu lo noxou uasi manina.

Pilipai 3:19

Ane'i xo ne ilomulomuxu masamasaxa no anu vasime'a mole mi ne loxo mosi'asi. La utotomu xavutalai'a uiaveou mimi so lialiasi mo i'itinu ilixo ane laixe so imaila no anu. Tamitema anene ixalisou mamulosi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ipilu 11:25

Oponu muxililiou tanixu xoluxolu se'isisi ilou susu ane umumosou masa­masaxa no anu vasimolu ne. Xo mu'oxo lexe, “Uasi, mi ne ukalu paleasi ane. Eni alai apita noxi'a tamitemaou Mosinge. Xo manina, itavulenu tu'umaxu no avo'a Ta'isipi, ia mi vile uasi, a'una no anu xoluxoluxa'asi.

1 Tesalonaika 3:3

Xo loxo 'o io tu'utumaxu ane ngatavulenu ne masi u'oxonu opongengi usasalo. Ia mamu, xo ngingi menge ngelavu mukalu lexe mi axone uxalisinge nenge'a la anu ulovo no anu masaxa noxou Mosingesi ane.

Mupala'a 7:14

La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Luku 16:23

Musoli xe muxolu no tanixu soli la mutavulenu navunavu toxoxu. Xe iou mutelai loxo 'o la mumaisou Apala'amu xe Lasalusu a ilou mixolu nopaxa.

Luku 16:20

Xe no aitengaxu vimelusou tasou la itema vile oloxola ualasou lexe Lasalusu utotomu muai. Anu la'ilalixu uasi mole loxo tanu umulinu la'ilali utuxu se ulaplapau no latevoluxu itema so lamoli ne. Xe anu vasimolu xalexalevinusi mo evile so u'uinu uasi, ta'a'asi mine'e so milamixu.

Matiu 27:63

Milutu xe mixali la mivikala lexe, “Tatila, nexi texavutalanu vaikalaou itema so kalavoi olele e mulemolu loxo muxoxolusio. Mu'oxo lexe, 'Voxo tatalu upolo ukalu la eni atulu amaulila.'

Luku 16:26

Xe mi vilela aloxo 'o. No tainenge la Mosinge mumulaxu vanunu toxo­xu. Laso umomomo so tamitema 'o ialasou mo ilai noxinge uasi. Mo ngingi ne ngamomo so ngaalasou mo ngane'e noxixe uasi.'