Luku 16:16 - Ata New Testament

¹⁶ Vaikala so lo xe vaikalai'a tapolopeti tamitema milanu mune'e muxali noxou Tioni. Xe musoko'u noxou la votovoto no anu vaikala laixe so voxo loxo Mosinge molu u'uli laxune'i tamitemaou, a uxolu upalasi. La tamitema mukalusi xavine'iou so lexe i'unalai no anu.

Luku 16:16 Referans Kwoze

Matiu 21:32

Xo Tioni mune'e noxinge so upela'ingexu vote'i so malema­lenga la ngingi ngalopalanu vaika­laou uasi. Io noxi'a tamitema so itaxusou taxisi oli'a tasema so vote'i la milopalanu. Ioxe, ngingi ngemaisou lopala noxi'a axone ia anene kalumo uxiunu opongengi so ngalopalanu vaikalaou to uasi.”

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”

Luku 16:31

Ia Apala'amu mukolinu aloxo 'o, 'Uasi manina. Loxo ane'i ilomuxu vaikalai'a Mosisi oli'a tapolopeti uasi, la umomomo so ilomuxu itema loxo umaulila uasi kalumo.'”

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Luku 16:29

Ia Apala'amu mukolinu lexe, 'Vaika­lai'a Mosisi oli'a tapolopeti a uai noxi'a. Vaikala anenesi so tavivine ilomuxu.'

Luku 10:11

'Nexi taxexesinge a. Mo ngamaisou, kalaisou tualasinge kalumo taxexenu so latilovosou ilixo masua noxinge. Ia ngalavu laixe lexe voxo so Mosinge molu u'uli laxune'i tamitemaou a mune'e alai mukalu.'

Luku 10:9

Xe ngapaipoune'i tapipiena ta'ei no taoni ne. Mo ngalanu vaikala noxi'a lexe, 'Voxo so Mosinge molu u'uli laxune'i tamitemaou a mune'e alai noxinge mukalu 'oe.'

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Luku 9:2

Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.

Maki 1:14

Xe mune'e xe Tioni mukalavusui la Iesua mulivu mu'una no xale lia ne Xalili so ulanu vaikala laixe noxou Mosinge.

Matiu 10:7

Ngalai la ngalanu vaikala lexe, 'Voxo so Mosinge molu u'uli laxune'i tamitemaou no tualasou a mune'e alai mukalu 'oe.'

Tioni 12:19

Xe Tapalisi mimalei axone la me'a mivikalane'i ngato'o lexe, “Uo ngamalei, nenge tapunenge 'oe, xo ane'i tatemanu lialia mukalusi a imulinusi.”

Tioni 11:48

Loxo nenge ta'italonu mo u'oxo aloxo 'osi la ane'i tamitema latala masi ilopalanusi. Mo loxo 'o io Talomu imamulonu tasou Mosinge na'a nenge oli'a tatemanu xale lia noxinge.”

Maki 1:45

Iesua mupela'u axone ia mulai la mua'aloxu mi ane muxali noxou noxi'a tamitema tavu'alo. Xe a'alosou muiaveiave laso umomo­mo so Iesua u'unalai no tuatuala uasi xo loxo 'o io tamitema iveli so isaxisou. U'unalai uasi muxolu no xale lia ane tamitema ixolu no anu uasi laso tamitema mine'ene'e noxousi.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Matiu 15:11

Loxo itema u'ou mi vile so u'una no vasimolu la umomomo so u'oxonu masua no iou Mosinge uasi. Ia mi ane a uxoxolu nonano xe ula no anaxu, la anenesi u'oxonu masua no iou Mosinge.”

Tioni 5:4

Mukunikuni xo voxo vilevilesi angelou Tatananenge mulu'e no anu kupa loxo'u so ukunoxu. Ukunoxu xe loxo itema aneva u'una tei no anu lexa ne la laixenu avile no anu tu'umaxu ma'ia muxolu noxou.