Luku 16:15 - Ata New Testament

¹⁵ Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Luku 16:15 Referans Kwoze

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

Ta'aposeli 15:8

Mosinge ne anu ulavusou oponenge tamitema mukalusi. Laso anu mupilixinu Ulenu Laixe noxi'a iou vilesisi a loxo nenge 'osi so upala'anixu lexe oponu axova noxi'a.

1 Pita 3:4

Opongengi ututuluou lavilasi axone uasi, lavilasi noxinge ane laixe so uxolu kalaxu uasi, a mi so tangengisi uasi. Lavilasi anene a so ngaxolu opongengi se'isisi mo lexasi, xo mi anenesi Mosinge usaxisou lexe lailaixe misevile.

Luku 11:39

Ia Tatananenge muvikalanu lexe, “Loxo noxinge Tapalisi la nga'uinu kapu xe lapelete noxinge laixe. Ia nonano noxinge la mua­na'ana no anu isu'isu mo ili'ilixo masumasua to!

Luku 10:29

Ia itema so lavulavu no anu lo umasaxau so umaxa'u lexe ilixo noxou ulapusi. Laso mutali'isou Iesua lexe, “Ia menexilo e lo ulemolu ne, ena'ei manina?”

Mupala'a 2:23

Mo kalumo noxi'a ta'ilie la ave'ave'a isoisoli. Mo so axone la tatemanu pitapita mukalusi ilavu lexe eni atilovosou xavutala mo opone'i tamitema mukalusi. Atilo­vosou ukalu la alosi'a nene'axu umomomo no anu ilixo noxi'a vilevilesi.

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

Tioni 2:25

Laso tava'u so evile upela'u no anu ilixone'i uasi xo anu mulavusou xavutala ma'ia muxolu no opone'i mukalusi.

Matiu 23:5

Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Luku 18:21

La anu mukolinu lexe, “A eni amolomoloxo mo mune'e muxali vaimomo 'o ne emulinu lo anene mukalusi.”

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Ta'aposeli 1:18

Ia anu mu'oxonu ilixo masua mo muxalisou lamolisou. La mulotonu xale lia sevile no anu lamoli ne. Xe ili'i la anu mulapau no xale lia se ne mo oponu mupau la tamusinu mula.

Luku 20:47

Mo loxo sema vile mulue usoli la i'oxo loloxe so isalimunu tasie, ia lamolisou la ane'i me'a ino'u. Mo itoxa'a no anu lakilaka so ivikala veveni musuku. Tamitema axone, no voxo loxo Mosinge utilovo mo ukolinu ili'ilixo la itavulenu tu'umaxusou ilixo noxi'a u'oki avile.”

Luku 20:20

Ioxe, ane'i tatiatila mituluxu Iesua laixe mo so loxo upolo va'axu no anu vaikalaou vile la itetelisou ka ipilixinu no avolu tila no anu xamani so ukotixu. Laso mipalusi'a tamitema se'i ane mikalavoi lexe ilolomu laixe noxou ia loxo manina la mine'e so milakokongoxusi.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Matiu 6:2

Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Tioni 21:17

Xe Iesua mutali'i noxou alaxu tatalu­soula aloxo 'o, “Saimoni e Tioni oluo, axova, nini nasexelaxo?” La anu Pita tanu mutama so Iesua mutali'i no anu sexelasou noxou alaxu tatalusou axone laso anu mukolinu lexe, “O Tatanaleli, nini nelavusou mimi mukalusi. Nini nelavu lexe eni asexelaxenesi.” Laso Iesua muvikalanu aloxo 'o, “Ioxe, laso nasaxila'a tasipisipixeli.”

Luku 18:9

Iesua mu'oxonu latilovo vile so upela'a tamitema ane'i ane ikalavoi lexe ane'i talapusi ia tamenexi'a uasi. Muvikala aloxo 'o,

Luku 18:14

La Iesua muvikala lexe, “Itema ane so utaxusou taxisi mulivu no tani. Mo eni avikalangengi lexe no voxo anene la anu muxali itema mulapu no iou Mosinge. Ia Palisi ne uasi manina. Xo aloxo 'o, itema ena'ei molu u'itinu, la Mosinge ulu'enu ane. Xe itema ena'ei anu molu ulu'enu, la Mosinge u'itinusi.”

Ta'aposeli 1:24

Mileme'a mukalu la mivikala noxou Mosinge aloxo 'o, “Tata­nanexi, nini nalavusou opone'i tamitema mukalusi. Nini mene nalosoiexi lexe nini nailounu itema aneva noxi'a ilou 'o.

Lomu 8:27

Loxo Ulenu usu'ulinenge so ulemolu oponenge noxou Mosinge la anu upalasi noxousi. Xo anu ulavusou oponenge mo anu uvikala avile noxou Ulenu. Anu Ulenu ne umulinu masaxa noxou Mosinge so uvulanu vaikalamenge tamitemaou Mosinge u'isalili axone.