Luku 15:29 - Ata New Testament

²⁹ Ia anu mukolinu momu lexe, 'Uo axova? Eni exolu tau ie tavu'alo sasaieli so e'oxonu xaixai noxine. Mo nepalusilo axova la alomuaneni sevile uasisi, elomuxenesi. Laso alaxu vile nelosilo koti olu sesi so noxi'a tamenexilo ta'ani mo ta'osa? Uasi to!

Luku 15:29 Referans Kwoze

Mupala'a 3:17

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Lomu 10:3

Ane'i ilamana avile no anu ilixo male­malenga noxou Mosinge uasi. Mo ilamana no anu vote'i so ixali tamalemalenga no iou uasi laso ane'i me'a itovonu no anu xavi noxi'asi. Me'a itovonu no anu xavi noxi'asi, laso maixene ipilixine'i noxou Mosingesi so uxalixi'a tamalemalenga uasi.

Lomu 7:9

Mo tei loxo alavusou lo ne uasi la exolu loxo amaulisi. Ia mune'e xe eno'u lavulavu no anu lo ne la ekuluke xo susu mupala'a avile mo elavu lexe eni asoli ane.

Luku 19:21

Xo nini namitema so loxo tamitema isusu­nixine la nalosi'a ialuxu. Mo nini nalavusou naxalisou nene'axu xaixai noxi'a se'i xe nalavusou na'elesou temanu xai ane natounu uasi. Laso maixene e'ume noxine.'

Luku 18:9

Iesua mu'oxonu latilovo vile so upela'a tamitema ane'i ane ikalavoi lexe ane'i talapusi ia tamenexi'a uasi. Muvikala aloxo 'o,

Luku 17:10

Laso ngingi kalumo loxo nga'oxonu mimi mukalusi ane Mosinge mupalusingexu la laixe loxo ngavikalasinge aloxo 'o, 'Nenge tauokuvoi vitanisi a. Nenge ta'oxonu mi vile laixe so tano'u uala no anu uasi. Te'oxonu xaixai ane mu'isalili noxingesi.'”

Luku 15:7

La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Matiu 20:12

La mivikala lexe, 'Ane'i ane mi'una ili'i to ne, mixaxai aso iou soxu vilesisi. Xe nexi 'o, tetavulenu tu'umaxu so texaxai mo aso muxutulala'ixe musoko'u no kakau xo mo muxali no olovoxo 'o. Ia nelotone'i xe nexi 'o iou vilesisi.'

Lomu 3:27

Laso nenge menge ta'itinenge? Ta'itinenge lexe nenge talapu no iou Mosinge xo temulinu lo? Uasi to, tamomomo uasi. Nenge texali talapu no iou Mosinge, xo tava'u vilesisi aloxo 'o. Telopala tepilixi­nenge noxou Iesuasi.

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

Luku 15:28

Ioxe, olu laposolaxu mulomu axone la oponu la'iaxu mo u'osa so u'unalai no tani uasi. Muxolu noale laso momu muatu la mulemolu vaikala so ulu'enu oponu.

Luku 15:30

Ia iline ano'o ne mulai mupeinu lamolimeni vitanisi noxi'a tasema so vote'i. Xe mulivu muxali la alaxu vilesisi nevau kau olu tongolixu laixe so namaxa'u osa'ila noxine so lailivuxu.'