Luku 13:7 - Ata New Testament

⁷ Laso anu muvikalanu itema so usaxila'u xaixu ne lexe, 'Ai nalomu. Tau ie tatalu ene'e so lexe ano'u temanu ovu ano'o ia axalisou vile uasi. Laso naxeta'u usu'asi xo utanuxu lia so xai vitanisi a.'

Luku 13:7 Referans Kwoze

Matiu 7:19

Laso ovu mukalusi aneva uxalixu nene'axu laixe uasi la uxeta usu'a no navusi.

Luku 3:9

Mo anu laixe kalumo so ngingi ngamama'u xo Tatananenge anu loxo itema a utatavulenu lapemu. Anu a mulalaxi so uxetasou ovuovu aneva ulavusou uxalixu temanu laixe uasi. Uxetasou ukalu laso upeinu no navu.”

Tioni 15:6

Xe loxo evile uxolu utoxo avile noxilo uasi la uxexe usu'asi aloxo tamitema ixexenu isu'anu ovu avo'avolu ane unene'a uasi. Isu'anu xo xe uxaloe la ipitanu kaio ipeinu u'una no navusi mole u'ela avile.

Tioni 15:2

Laso loxo avo'avolu noxilo ane unene'a uasi la anu uxotosou uxexe mukalusi. Io anu ane uxaxalixu nene'axu la Mamilo avo'avolusou xo upe'esou malusou mo so uxolu malemalengasi xo axone la nene'axu ulolutusi.

Luku 13:8

Ia anu mukolinu lexe, 'Tatilao, na'italonu uxolu no anu tau ie ano'osi. Xo amamulonu lia so tava'u xe apeinu kau ta'usou 'o.