Luku 13:33 - Ata New Testament

³³ Ia vaimo­mo 'o xe ne'iela xe ualisa la eni amuamua'i alaisi. Xo umomomo so ivau polopeti no tuala vilemo uasi, ane'i ivau ne Ielusalemo u'isalilisi.

Luku 13:33 Referans Kwoze

Luku 9:53

Ia vile no tuala ne u'osa so u'unanu no tasou uasi xo milavu lexe anu so ulai ne Ielusalemo ane.

Matiu 21:11

La tamitema latala e mimuamua'i ne mikoline'i lexe, “Anu polopeti e Iesua, anu so tuala Nasaleti ne Xalili.”

Ta'aposeli 13:27

Xo Taielusalemo oli'a tatiatilasi'a, ane'i ilamana uasi noxou Iesua lexe anu itema e tapolopeti milemolu. Ia no voxo loxo mivau la ane'i me'a mixalixu nene'axu vaikalai'a tapolopeti e ane'i utotomu i'itisou no anu Voxovoxo so Ma'ila.

Matiu 20:18

“Ngalomu. Nenge talai ne Ielusalemo 'oe. Itema e molu noxou Mosinge la evile upilixinu no avo'a tatiatila noxi'a tapilisiti xe tamitema so lavulavu no anu lavuloto. La ane'i itulusou no anu vaikala mo isakinu vaikala lexe usoli.

Tioni 11:54

Laso Iesua uxixao no taine'i Taiuta no tani keakeala uasi. Anu muxexesou apu ne mo mulai muxolu alai no xale lia esi'esi no anu taoni e ualasou lexe Epelaimu. La anu oli'a tatisaipeli mixoxolu ne.

Tioni 9:4

Vai­momo 'o anu asosio laso nenge xavinengeou xaixai noxou anu ane mupalusilo ene'e 'o. Xo olovoxo a unene'e xe uxalii la itema vile uxaxaila uasi.

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Tioni 12:35

La Iesua muvikalane'i lexe, “Lamana a uxoxolu no taingengi ia voxosou maxuvenila uae. Laso loxo lamana ne uxolu noxingesio la ngamuamua'i ngavaxasi mo so isivoxo usu'asinge uasi. Loxo itema ena'ei umuamua'i no isivoxo la ulavu lexe anu a ulalai ne'ei ne uasi.

Tioni 11:9

Xe anu mukoline'i aloxo 'o, “No anu voxo utotomu la aso iou 12 a uxolu. Laso loxo itema umuamua'i no aso axone la utulaki ulapau uasi xo usaxi no anu lamanasou lialia 'o.