Luku 13:19 - Ata New Testament

¹⁹ Itema vile muno'u ovu masiteti ngiaxu se ka mutapu'u no xaixu. Mutapu'u xo xe ili'i la masiteti muleme muxali ovu tatila e tatila. Laso tangiala mine'e mitulusou tasi'a no anu avo'avolu.”

Luku 13:19 Referans Kwoze

Ta'aposeli 4:4

Mikalavusune'i ia tamitema tapiena e tapiena ane milomusou votovoto ne milopala, la navasi'a muxali 5000.

Ta'aposeli 2:41

La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

Matiu 17:20

La anu mukoline'i lexe, “Ngingi ngalopala malaxo uasi, laso maixene ngamomomo uasi ne. Xo eni avikalangengi manina lexe loxo lopala noxinge manina ia isusu'a se aloxo masiteti ngiaxu se isusu'a ne, la ngingi ngamomomo so ngavikalanu la'olu 'o lexe, “Navula nalai olele,” la anu uvula ane. Axone la ngamomomo no anu xaixai mukalusi.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Lomu 15:19

Xe e'oxonu sosovo so xavi iou iou so uvalaxu vaikala ne ia eni uasi. Ulenu molu mulosilo xavi so a'oxonu. Mi ne musoko'u ne Ielusalemo so elanu vaikala laixe so Kalaisiti. Elanu elanu la exixao nopaxapaxa mo exali avile ne Ililikumi polovinisi.

Luku 17:6

La Tatananenge mukoline'i aloxo 'o, “Loxo lopala manina uxolu noxinge ia isusu'a se a loxo masiteti ngiaxu la mi vile uasi. Axone la umomomo so ngavika­lanu ovu 'o lexe uluvu mo ulai utulu no luaki, la anu ulomusi ane.”

Maki 4:30

Ioxe, mixolu la Iesua musolonu vaikalaou lexe, “Laso nenge ta'oxonu latilovo vilela so voxo so Mosinge u'uli'uli axova? Atovonu vile aloxo 'ola.