Luku 13:16 - Ata New Testament

¹⁶ Ngingi ngasu'uline'i tami vitanisi mo ane. Ia sema ano'o, ne Apala'amu ilusunu. Mo Uluaou mukasie mumomomo no anu tau ie 18 'oe. Laso axova, anu laixe so alulusie no anu mi e musakine no Voxo so Ma'ila 'o uasi?”

Luku 13:16 Referans Kwoze

Maki 2:27

Iesua muli­vunoxu xavutalai'a no anu a'alo axone xe mukalu la musolonu vaikalaou lexe, “Xe Voxo so Ma'ila ne la Mosinge muxalixu so su'ulisi'a tamitemasi. Anu uxalixa'a tamitema so Voxo so Ma'ila u'uli laxune'i uasi.

2 Timoti 2:26

Ane'i loxo mi'amo no anu uoi noxou Uluaou ka mutetelisi'a so imulinu masaxa noxoumo. Ia loxo vaikala manina upalasi noxi'a laso ane, xavutalai'a ulamanasi mo ixexe no anu uoi noxou Uluaou ne.

Ta'aposeli 13:26

La Polu muvikalala lexe, “Tavivilo, ngingi laili noxou Apala'amu xe ngingi tamitema so noale'ale ane ngamama'u noxou Mosinge, ngalomu. Vaikala so pamauli ano'o muxali noxinge nenge'a.

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

Luku 19:9

La Iesua mukolinu lexe, “Vaimomo 'o pamauli muxalisi'a tatemanu tani ano'oe. Itema ano'o anu ilusunu Apala'amu kalumo.

Luku 3:8

Loxo ngexiunu mo nge'isa­lalinoxu opongengi maninasou la nexi masi tamaisou nene'axu uxali no anu xoluxolu noxinge ane. Mamu so nga'itingengi xo ngingi Apala'amu ta'ilusunu. Anene mi vitanisi ane. Eni avikala lexe Mosinge umomomo so uxiunu lavolavo'o uta'olu 'o so ixali ta'ilusunu Apala'amu.

Matiu 4:10

La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Luku 16:24

Laso mu'ava lexe, 'Mamilo Apala'amuo, nini tanenixo mo napalusou Lasalusu une'enu lexa sevile. Une'enu so ukelenixu avolu simisou no lexa ne mo umulaxu no levexo so lele­mesou se uaio xo eni atatavule navunavu toxoxu no navu 'o.'