Luku 13:11 - Ata New Testament

¹¹ Sila sema vile e mixolu ne angelo masua mukasie mumo­momo no anu tau ie 18. Mukasie laso xine mulanga mo imomomo so itulu imexi uasi.

Luku 13:11 Referans Kwoze

Luku 8:2

Mo oli'a tasema se'i ane tei la mukusai'a ta'angelo tamasua mixolu noxi'a xe se'i ane mupai­poune'i no anu siki noxi'a. Vile ualasie lexe Malia e ilemele lexe Malia so Makatala. Sema ne tei la Iesua mukusai'a ta'angelo tamasua 7 noxie.

Luku 13:16

Ngingi ngasu'uline'i tami vitanisi mo ane. Ia sema ano'o, ne Apala'amu ilusunu. Mo Uluaou mukasie mumomomo no anu tau ie 18 'oe. Laso axova, anu laixe so alulusie no anu mi e musakine no Voxo so Ma'ila 'o uasi?”

Luku 8:27

Mixali la Iesua mulu'e no pouti so ulai noale la muxa­lisou itema vile so taoni no anu xale lia ne. Itema ne ta'angelo tamasua to a mixolu noxou mole usakinu lavalava uasi xe uxolu no tani uasi, muxoxolu no lamati­matisi.

Ta'aposeli 4:22

Tamitema latala mikuluke mo mi'itinu Mosinge ualasou xo sosovo so xavi ne mutoxoxa'a. Mutoxoxa'a xo itema tava'u muki­likalu no mi ne molomoloxu mo mune'e avile tau iexu 40 'o.

Luku 8:43

Xe no taine'i tamitema latala ne la sema vile a oli'a. Sema ne sialu munixinixi noxie mumo­momo no anu tau ie 12. La mitovonu votevote'i so lexe ipai­poune ia evile umomomo so usu'uline uasi.

Maki 9:21

La Iesua mutali'isou molomolo momu lexe, “Mi ano'o musoko'u talumo?” La mukolinu lexe, “Ai, musoko'u e molomoloxumo.

Ta'aposeli 3:2

Ane'i ilou milai la mimaisi'a tamitema mivo'onu itema vile tava'u masua. Anu voxo utotomu ane'i ine'enu mo italupe­xasou no aitengaxu vimelusou tasou Mosinge. Aitenga ne mile­molu lexe Lailaixe. Anu mutalu­pexa ne so ulingalingau lamoli noxi'a tamitema ane mipolo no aitenga ne. Itema ne tava'u muki­likalu no mi ne nenu mivo'onumo.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Luku 13:12

Iesua mumaisie la mu'avalie mine'e noxou mo muvikalane lexe, “Sema 'o nini naxolu lalavulusi no anu siki noxine ne.”

Luku 21:28

Laso ane, loxo ngamaisou mimi anene usoko'u so uxali la ngatulu ngalapu mo kisinge uasaxa xo voxo so Mosinge u'umengengi a so uxali ne.