Luku 12:8 - Ata New Testament

⁸ Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni Itema ane melo noxou Mosinge avikala lamana no ie'i ta'angelou Mosinge lexe itema anene eni na'a xelimo.

Luku 12:8 Referans Kwoze

1 Tioni 2:23

Itema ena'ei uxililiou ualasou Olu la anu uxililiou Maminge kalumo. Ia itema ena'ei oponu upala'a lexe ulopalanu Olu la anu upala'a lexe ulopalanu Maminge kalumo ane.

2 Timoti 2:12

Mo loxo tatulu pakia'inge so tata­vulenu tu'utu'umaxusou, la nenge tapita noxou no anu kingi. Loxo taxiunu tumalinge noxou, la anu kalumo uxiunu tumalou noxinge.

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”