Luku 12:48 - Ata New Testament

⁴⁸ Ia anu ane ulavusou masaxa noxou tilasou uasi xe upolu va'axu la tilasou upuasouxu kalumo, ia malaxo uasi, alaxu vilevilesi. Xo ena'ei uxalisou mimi tavu'alo la ukolinu no anu tavu'alo kalumo. Xe anu ane ulopalanu so upilixinu mi mutiatila no avolu so usaxila'u la ilingasouxu mulolutusi.”

Luku 12:48 Referans Kwoze

Tiemisi 3:1

Ioxe tavivilo, mamu so ngaxa­vutalanu lexe anu mi papaxe vitanisi kaio ngingi latala ngaxali tatisa no anu Mosinge vaikalaou. Xo voxosou Tatananenge utilovo­sou xaixai na'a nenge la utilovo pakia'u manina noxinge tamitema so talulusou vaikalaou.

Tioni 15:22

Loxo eni ene'e elanu vaikala noxi'a uasi, la susu noxi'a upala'a avile aloxo 'o uasi. Ia xo ene'e laso vaimomo 'o la vote'i so susu noxi'a utalumela uae.

Matiu 13:12

Xo itema ane mimi se'i muai noxou mukalu la Mosinge ulosou se'i no latanula. Xe loxo anu ane uxalisou mi vile uasi, la uxexenu mi se ane muai noxou.

1 Timoti 1:13

Xo manina, eni tatei la etovonu so amasuanu pita noxou mo exililiou vaikalaou mo epupuiou. E'oxo axone ia eni alavu uasi, alopala noxou uao. Laso anu tanuxo misevile mo ukolinu ilixo noxilo ne avile uasi.

Ta'aposeli 17:30

Xo tatei la tamitema ilamana axone uasi la Mosinge iou muvaxaousi. Ia vaimomo 'o anu uvikala pakia'u lexe tamitema ixiunu opone'i mo i'isalilinoxu noxou.

1 Timoti 1:11

La ta'itinu Mosinge ualasou xo vaikalaou ne laixe mo iaxu. Anu molu mulosilo vaikala laixe ne so alanu.

Luku 16:2

Laso itema so lamoli mu'avalou vosivoiou mune'e la muvikalanu lexe, 'Axova no anu vaikala so ilixomeni elomusou 'o? Nakaukavunu lipoti no anu mimixeli mukalusi ane nexaxaisou xo nini so naxolu vosivoila uasi.'

1 Timoti 6:20

Uo, Timotio, mi ane Mosinge mupilixinu noxine la nalaxa'inu laixe. Naxolu va'axu no anu vaikala vuluvulusi so lialia. Mo tamitema ane'i i'oxo lexe ane'i takeleva la ane'i i'oxonu vaikala anu uxililiou Mosinge vaikalaou, ia nalomuxa'a mamu.

Taitusi 1:3

Muvavali­masou axone xo xe no anu voxosou mu'isalilii la musosovosi'a se'i so ipalasinoxu vaikalaou. La Mosinge anu mosou pamauli mupilixinu vaikalaou nesi noxilo so alanu noxi'a tamitema.

Luku 12:41

La Pita mutali'isou Iesua lexe, “Tatilao, axova? Ne'oxonu latilovo ano'o so sixesi o so si'a tamitema mukalusi 'o?”

Luku 12:49

Ioxe, la Iesua musolonu vaikalaou lexe, “Eni ene'e so apilixinu navu no lialia, mo amasaxau lexe u'ani a alala'e 'osi.

Matiu 23:14

Anu masua noxinge tamitema so lavulavu xe ngingi Tapalisi. Vaikalamengi ilou ilixomengi vilesisi uasi. Ngingi ngalavusou nga'oxo loloxa'a tasema ane tamului'a misoisoli so ipilixinu tasi'a no avonge. Mo ngakalavoi so ngakilaka veveni musuku. Laso maixene no anu voxo so Mosinge ukotingengi la ngatavulenu tu'uma­xusou tatila.