Luku 11:45 - Ata New Testament

⁴⁵ Xe itema vile so lavulavu no anu lavuloto mulomusou vaikalaou Iesua ne laso muvikalanu lexe, “Tisa, nelemolu vaikala anene la ulu'enu ualasixe kalumo.”

Luku 11:45 Referans Kwoze

Tioni 9:40

Xe Tapalisi se'i mixolu alai noxou Iesua ne milomu axone la mitali'isou lexe, “Xo axova, na'oxo lexe nexi taxolu iexi selevenu kalumo, ne?”

Tioni 7:48

Xo ngamalei, vile noxixe tatiatila o Tapalisi milopalanu? Uasi to.

Tioni 7:7

Loxo ngingi la tatemanu lialia imatapiangengi uasi ia eni la imatapialeli xo alalanu vaikala so upala'anixu ilixone'i lexe masuasi.

Luku 11:52

Masua noxinge ngingi tamitema so lavulavu no anu lavuloto xo aloxo 'ola. Ngingi nge'umenu laki so tanixu lavulavu u'asi'asi. Ngingi menge nga'una uasi ia nga'apixa'a ane'i ane imasaxa so i'unalai ne.”

Luku 11:46

Ia Iesua mukolinu lexe, “Ngingi tamitema so lavulavu no anu lavuloto anu masua noxinge kalumo. Xo ngingi ngapilixinu mimi tu'utu'umaxu noxi'a tamitema so itavulenu. La imomomo no anu uasi, ia ngingi ngavaxanu avonge simisou se so ngasu'uline'ixu to uasi.

Matiu 22:35

Xe vile noxi'a ne anu itema so lavulavu no anu laxu lo. La anu mumaititiou Iesua mo mutali'i aloxo 'o,

Luku 7:30

Ia ane'i Tapalisi oli'a tamitema so lavulavu no anu lavuloto la mixiunu tumali'aou vote'i laixe e Mosinge mulala­xisi'a ne. Ane'i anene ilai so Tioni u'oxonu ilixo so kelele noxi'a uasi.