Luku 10:3 - Ata New Testament

³ Laso ngalai. Ia ngalomu, apalu­singe ngalai la ngingi loxo tasipisipi ta'ili'a ilailai no taine'i ta'a'a tavova.

Luku 10:3 Referans Kwoze

Matiu 10:16

La Iesua musolonu aloxo 'ola, “Ngalomu, eni apalusinge ngalai la ngingi loxo tasipisipi ilailai no taine'i ta'a'a tavova. Laso no anu lavulavu mo tilovo noxinge la loxo tasineke ia no ilixo noxinge la malemalenga mo lamanasi a loxo tangiala ta'utu 'o.

Ta'aposeli 20:29

Xe no anu latilovo ne telexu aloxo 'o. Eni alavu lexe loxo a'umesinge la anu loxo ta'a'a tavova i'una no taingengi mo imolo mamulo noxi'a tasipisipi.

Tioni 16:2

Xo Taiuta ikusainge so nga'una no anu tatasou lavuloto noxi'ala uasi. Mo voxo vile uxali ili'i la tamitema ivenge ngasoisoli xo ikalavoi lexe no anu anene la ane'i a i'oxonu xaixai noxou Mosingemo.

Tioni 15:20

Tangengi uno'u vaikalaxeli e elemolu noxinge lexe, 'Uokuvoi tanixu uua'ulixu ane noxou tilasou uasi.' Laso loxo ane'i milosilo tu'umaxu aloxo 'o, la ane'i ilosinge tu'umaxu kalumo ane. Mo loxo ane'i mimulinu vaikalaxeli la ane'i imulinu vaikalamengi kalumo.

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 7:15

La Iesua musolonu aloxo 'ola, “Ngingi ngalaxa'i laixe noxi'a tapolopeti kalavoi. Xo ane'i ilavusou ilemolu vaikala laixe so ixilisingengisi mo so ngakalavoi lexe ane'i tami talaixe loxo tasipisipi 'o. Ia uasi, a so i'oxo lolongengesi ane, xo loxo manina la imolo mamulosinge a loxo ta'a'a tavovasi.

Ta'aposeli 9:2

Mulai so mulinga noxou lexe ukaukavunu lapasi so anu Sauli ulaixu ne Tamasikusi. Ulaixu ne Tamasikusi mo ulosoie'ixu tatiatila no anu tatasou lavuloto noxi'a Taiuta. Lapasi ne muvikala lexe tatiatila noxi'a tapilisiti ivalaxu xaixai noxou Sauli. Mo so loxo Sauli uxalisi'a tamulu o tasema ta'ei imulinu vote'i noxou Iesua la anu utetelisi'a mo ulaixi'a ilivu ne Ielusalemo.

Tioni 10:12

Ia itema loxo ilotonusi no anu xaixai anene la u'oxo axone uasi. Anu itema so usaxila'a tasipisipi manina uasi xe anu tatanane'i tasipisipi uasi laso loxo umaisou a'a vova une'e la u'italone'i tasipisipi mo u'umesi. Io a'a vova utokitokine'i mo upaxelelene'i tasipisipi.

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Luku 10:4

Xe loxo ngalai la ngatavulenu ulu'ulu so lamoli xe laveki so mimi xe lasu uasi. Mo loxo ngaxalisi'a tamitema no vote'i la ngatulutulu so ngavikala aso noxi'a uasi, ngalaisi.