Luku 1:35 - Ata New Testament

³⁵ La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Luku 1:35 Referans Kwoze

Matiu 1:18

Ano'o a'alosou Iesua Kalaisiti lexe muvo'o axova. Nenu ualasie lexe Malia ne ane'i misosovosie so itaula'ixu Iosepu. La ilou ixolu ipita uao ia Malia opone xo Ulenu Laixe molu muxalixu mi ne.

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 1:34

Xe eni melo emasiou mo a alalanu vaikala so apala'anixu lexe anu ano'o Mosinge Olu.”

Lomu 1:4

Mo anu Mosinge Olu manina kalumo xo Ulenu Laixe mupela'ingexu no anu xavi noxou. Mupela'ingexu no anu vote'i e so mutulusou mu'umenu Iesua Kalaisiti anu Tatananenge no anu soli.

Matiu 1:20

La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

Maki 1:24

“Iesua, nini so tuala Nasaleti. Nene'e noxixe so mi ma'ia? Mane nene'e so namamulonexi. Eni alavu­sine lexe nini Itema Malema­lenga noxou Mosinge.”

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

Ipilu 4:15

Xo loxo tovotovo uxalisinge la nenge taxamulinu lexe pelesingesi. Ia anu laixe xo pilisiti tatila na'a nenge ukali­palanu va'axu no anu tu'umaxu tatavulenu uasi. Anu oponu upita no anu mo uxamulinu xo tovotovo ma'ia uxalisinge ne la muxalisou tatei kalumo. Ia loxo anu la ususu no anu uasi.

Luku 1:27

La anu mulai noxie vuanga vile ualasie lexe Malia. Vuanga ne ilai noxou mulu vile uasi ia misosovosie so itaula'ixu Kingi Teviti ilusunu vile ualasou lexe Iosepu.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Maki 1:1

Ano'o soko'u no anu vaikala laixe so Iesua Kalaisiti anu Mosinge Olu.

Epesusi 2:3

Tei la nenge mukalusi te'oxonu axone. Mo temulinu masamasaxa no anu susu tava'u no vasimenge. Xe mi ma'ia masua texavutalanu la te'oxonusi. Xoluxolu noxinge axonesi, laso maixene nenge tamitema mukalusi texolu no laxu la'ia noxou Mosinge.

Matiu 14:33

Xe ane'i ane nonano no pouti mi'i­ti'itinu ualasou mo mivikalanu lexe, “Manina misevile, nini Mosinge Olu ane.”

Matiu 4:3

Mukalu la anu mosou tovotovo muxali noxou la muvikalanu lexe, “Ai, loxo nini Mosinge Olu manina la navikala mo lavolavo'o uta'olu 'o uxiu uxali pileti.”

Luku 1:34

La ane Malia mitali'isou angelo lexe, “Mi anene uxali axova? E eni alai noxou mulu vile uaosio.”

Luku 1:36

Xe tulaneni Elisapeti kalumo, ane sema tila mukalu ia ane kalumo opone mo so'ioxe 6 mukalu 'oe. Ulai ili'i la ivo'onu ilie vile mulu.