Lomu 2:2 - Ata New Testament

² Xe nenge telavu lexe Mosinge utilovosi'a tamitema so ulosi'a nene'axu susu iouiou anene. Mo loxo utilovosi'a la anu ulapusi.

Lomu 2:2 Referans Kwoze

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 16:5

Sila elomusou angelo e usaxila'u lexalexa muvikala aloxo 'o, “Mosixe, nini nexolu tei tei manina mo vaimomo 'o a naxo­xolusi. Ilixomeni mulapu mo malemalengasi. Nini netilovosi'a tamitema laso nekolinu aloxo 'o la ne'oxonu mulapusi.

Lomu 9:14

Laso nenge tavikalasou Mosinge axova? Tavikala lexe anu mususu? Uasi to, umomomo uasi.

Lomu 2:5

Ngingi kisinge pakia'u mo tangengi uxilili laso ngingi menge ngamolo la'iasinge. Ia no anu voxo loxo Mosinge utilovosinge ulapu la la'ia noxou singe ne upala'asi.

Ta'aposeli 17:31

Xo anu musosovosou voxo mukalu so tamitema latala no lialia 'o ikoti ili'i. Xe anu musosovosou Itema vile so uto­ngone'i tamitema mo utilovosi'a lexe ilixo noxi'a axova. Anu mumaxa'u noxinge latala lexe anu musosovosou Itema ena'ei no anu xaixai ne. Mumaxa'u no anu vote'i e so mutulusou mu'umenu no anu soli.”

Lomu 2:1

Ioxe, tamitema i'oxonu susu iouiou axone. Laso ngingi se'i masi ngato'ome'a no anu mo ngavikala lexe, “Iauo, ane'i susu noxi'a u'oki'oki to!” Ia ngalomu, ngingi vaikala so ngalemolu uasi. Loxo ngato'ome'a axone, la anene ngingi ngato'omengesi ane. Xo susu noxi'a ma'ia ngalemolu ne, ngingi nga'oxonu kalumo.

Lomu 2:3

Ia ngingi tami­temasi. Laso axova? Loxo ngingi ngato'ome'a tamitema so susu noxi'a ane ngingi menge nga'o­xonu, la ngamaxale axova? Xo nge'oxo lexe Mosinge ukolinu susu noxine kalumo uasi, ne?