Kolosi 1:4 - Ata New Testament

⁴ Xo telomu lexe ngelopala noxou Kalaisiti Iesua mo ngalavusou ngasexelaxa'a tamitemaou Mosinge mu'isalili mukalusi.

Kolosi 1:4 Referans Kwoze

Epesusi 1:15

Ioxe, eni elomusou a'alosou lopala noxinge noxou Tatananenge Iesuasi. Mo elomu lexe ngingi tamitemaou Mosinge mu'isalili ngasexelangenge ngato'o.

2 Tesalonaika 1:3

Ioxe tavivixe, utotomu nexi tavi­kala laixesinge noxou Mosinge. Laixe so ta'oxo axone xo telavu lexe lopala noxinge a uleleme mo sexela noxinge ngato'o mulo­lutusi.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

1 Tioni 4:16

Xe nenge la teno'u lavulavu kaio telopala manina lexe Mosinge usexelanenge misevile. Mosinge anu mosou sexela, laso itema ane so uxolu pumuxu no anu sexela la anu uxolu utalupexa nonano noxou Mosinge mo Mosinge uxolu utalupexa nonano noxoui ane.

Vilemoni 1:5

Xo elomusou a'alosine lexe nasexelaxa'a tamitemaou Mosinge mu'isalili mo nalopala noxou Tatananenge Iesuasi.

1 Tioni 3:14

Xo loxo telavu, tei la texolu no anu soli ia tevula tela mo a taxolu no anu mauli. La tela­vusou axova? A xo nenge talavusou tasexelaxa'a tavivinge talopala. Ia ane'i ane ilavusou isexela manina uasi la ixolu no anu solisio.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

1 Tioni 3:23

Xo voto noxou aloxo 'o. Nenge talopala noxou Olu Iesua Kalaisiti mo tasexelanenge ngato'osi no anu vote'i e muvotonengexu.

1 Tesalonaika 3:6

Ioxe, tanexilili axone ia Timoti mulivu muxali 'o. La latailivuxu laixe xo mua'aloxu lopala mo sexela noxinge. Mo mua'alo lexe ngingi ngaxolu tangenginexe. Mo opongengi utatama so ngamaisixe a loxo oponexi utatamasinge ne.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

2 Kolini 7:7

Texalisou mamatola so muxali axone ia no anu vote'i vilela aloxo 'o. Anu mua'aloxu voxo so muxali noxinge lexe ngingi ngemama­tolanu. Xe mua'alongenge lexe opongengi ututulu so ngamaisilo mo ngingi tangengixo misevile mo ngetatamasou mi e ngepolo va'axu no anu. Mua'alongenge axone laso osa'ila noxilo mutiatila.

Xalesia 3:26

Xo ngingi mukalusi ngepita noxou Kalaisiti Iesua no anu vote'i e so lopalasi laso maixene ngingi Mosinge ta'olu ane.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.