Kolosi 1:3 - Ata New Testament

³ Loxo nexi tavikalasinge noxou Mosinge e Tatananenge Iesua Kalaisiti Momu la utotomu tale­molu laixesinge noxou.

Kolosi 1:3 Referans Kwoze

1 Tesalonaika 1:2

Ioxe, nexi tavikalasinge laixe noxou Mosinge utotomu mo loxo tavikala axone la tamoxomo­xo'inge mukalusi noxou.

2 Timoti 1:3

Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

1 Kolini 1:4

Eni alavusou axavutalangengi mo avikala laixe noxou Mosinge utotomu. Avikala laixe so iaiama mulosinge no anu vote'i e noxou Kalaisiti Iesua.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

Epesusi 1:15

Ioxe, eni elomusou a'alosou lopala noxinge noxou Tatananenge Iesuasi. Mo elomu lexe ngingi tamitemaou Mosinge mu'isalili ngasexelangenge ngato'o.

Pilipai 4:6

Opongengi uuali uasi, no anu mi ma'ia la ngapili­xinu noxou Mosingesi. Ngavikala noxou mo ngavikala laixe so ngalingau su'uli no anu ngiou aneva.

Lomu 15:6

Opongengi upita vilesisi so nga'itinu ualasou Mosinge e Tatananenge Iesua Kalaisiti Momu.

2 Kolini 1:3

Ta'itinu ualasou Mosinge anu Mosou xe Momu Tatananenge Iesua Kalaisiti. Mo anu Maminge e tava'u alauna xe anu Mosinge e tava'u mamatola mukalusi.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.